#UNPAZ# 27 OUTUBRU 2021
UMA ANDAR 5 HÁHU KONSTRUSAUN
Dili-Universidade Paz (UNPAZ), háhu ona halo konstrusaun ba uma andar lima (5) ne’ebé antes ne’e Saudozu Prof. Dr. Lucas da Costa, SE, M.Si, husik hela seidauk finaliza, iha Kampus UNPAZ (27/10).
Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten uma andar lima ne’e konsrusaun desde Saudozu nia tempu, maibe seidauk finaliza, tanba ne’e estrutura ida ne’e servisu hamutu ho Fundasasun ita iha komitmentu atu finaliza, tanba ne’e mak ita háhu ona halo konstrusaun.
Nia hatutan, uma andar lima iha mudansas ba dezeñu anterior, desde ita hetan rezultadu husi ekipa Enjeñaria ne’ebé halo estudu forensik, ita analiza hotu nia rezultadu husi estudu forensik ne’e, agora ita háhu halo konstrusaun.
“Tuir planu iha tempu tuir mai Universidade hamutuk ho Fundasaun háhu ona atu sobu fila fali aula hitu iha Fakuldade Direitu ne’e, atu halo tán andar lima (5)“, haktuir Reitór.
Aliende ne’e, Sr. Fonçiano Soares dos Santos, Lic. Eco, husi Unidade Prokuramen ne’ebé Responsavel ba Fasilidade Konstrusaun, hatutan konstrusaun ba uma andar lima háhu husi 2015, iha Saudozu nia tempu ne’ebé sei dauk remata, no agora ita tama ba iha prosesu kontinuasaun háhu ohin ba oin.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
