TREINAMENTU KURRIKULUM OUTCOME-BASED EDUCATION (OBE) NO WORKSHOP ARTIFICIAL INTELIGENCE (AI) IN EDUC

TREINAMENTU KURRIKULUM OUTCOME-BASED EDUCATION (OBE) NO WORKSHOP ARTIFICIAL INTELIGENCE (AI) IN EDUCATION

Dili-Universidade da Paz (UNPAZ) liuhusi Fakuldade Enjeñaria servisu hamutuk ho Telkom University Bandung-Indonesia, hodi realiza “Treinamentu Kona-ba Kurrikulum Outcome-Based Education (Obe) No Workshop Artificial Inteligence (Ai) In Education”ne’ebé fasilita husi Oradór Fakultas Rekayasa Industri, Telkom University Bandung, Indonesia, Dino Caesaron, S.T.,M.T.,Ph.D & Dr. Iphov K. Sriwana,S.T.,M.Si.,IMP. Iha Aula Mestradu no Doutoramentu UNPAZ (26/07/24).

Dekanu Fakuldade Enjeñaria UNPAZ, Sr. José Manuel Maniquin, AP.,Lic. Eng.,M.Eng. hateten objetivu husi workshop ne’e, oinsa atu bele elabora kurikulum ne’ebé bazeia ba estandar edukasaun nian, programa ne’e realiza tanba ita komunikasaun entre fakuldade enjeñaria ho Telkom University liu-liu programa magister Fakultas Rekayasa Industri. Agradese ba bainaka sira bele mai fahe ona koñesimentu ba ami liu-liu iha fakuldade enjeñaria, nune’e tempu tuir mai tama ba akreditasaun programatiku iha fakuldade enejeñaria, ita bele elebora kurikulum ho di’ak tuir kontestu Timor-Leste nian.

“Maske ita seidauk iha akordu maibe bazeia ba ita nia komunikasaun ba malu sira hakarak fahe sira-nia koñesimentu ba ita, oinsa mak ita bele elabora kurikulum ne’ebé mak di’ak, ohin sira konsege aprezenta aplikasi lubuk ida para fakuldade bele utiliza hanesan referensia hodi elabora kurikulum ne’ebé mak di’ak. Tuir planu ba futuru fakuldade enjeñaria sei halo akordu ho sira liga ho asuntu tekniku nian”,dehan Dekanu Maniquin.

Entretantu partisipa workshop ne’e, Dekanu Fakuldade Enjeñaria UNPAZ, Sr. José Manuel Maniquin, AP.,Lic. Eng.,M.Eng. ho Estrutura nomós Dosente sira husi Fakuldade Enjeñaria, inklui bainaka sira husi Fakultas Rekayasa Industri, Telkom University Bandung, Indonesia, Dino Caesaron, S.T.,M.T.,Ph.D & Dr. Iphov K. Sriwana,S.T.,M.Si.,IMP.