![TEMPU BADAK UNIVERSIDADE SEI APOIU BUS RUA BA FAKULDADE ENJENARIA HO FAKULDADE TEKNOLOGIA AGRIKOLA](https://unpaz.tl/asset/foto_berita/2addf553-20c4-40c6-a52f-4f2286dee41b.jpg)
#UNPAZ# 10 FEVEREIRU 2021
TEMPU BADAK UNIVERSIDADE SEI APOIU BUS RUA BA FAKULDADE ENJENARIA HO FAKULDADE TEKNOLOGIA AGRIKOLA
Dili-Universidade da Paz (UNPAZ), Liuhusi Magnifiku Reitór ho estrutura hamutuk ho nia Fakuldade Enjenaria ohin hala’o enkontru iha Kampus Sanak UNPAZ Liquisa (10/02).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. Hateten objetivu husi enkontru ida ohin atu hare durante Universidade iha Bus lima hodi responde ba estudante Fakuldade rua nia atividade prosesu aprendisajen iha Liquisa.
Nia hatutan, maibe ohin ita mai hodi hare aktividade prosesu aprendisajen durante semana rua ne'ebé Fakuldade Enjenaria ho Fakuldade Teknologia Agrikola hala’o, dezafiu no obstakulu saida mak sira hasoru, atu nune'e Universidade bele responde ba problema ne'ebe mak sira infrenta.
“Bus lima ne’ebé durante ne’e Fakuldade rua utiliza, Iha tempu badak Universidade sei prepara tan Bus rua hodi apoiu ba sira nia atividade prosesu aprendisajen iha Munisipiu Liquisa bele la’o ho di’ak”,dehan Reitór.
Partesipante iha enkontru ne’e, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Pro Reitór, Dekanu Xefe Departamentu sira, Dosente inklui Funsionariu sira.