TEMPU BADAK FAK EKONOMIA UNPAZ SEI HALAO EXCHANGE STUDENT IHA FAK EKONOMIA UNDANA KUPANG

TEMPU BADAK FAK EKONOMIA UNPAZ SEI HALA’O EXCHANGE STUDENT IHA FAK EKONOMIA UNDANA KUPANG

Dili-Universidade da Paz (UNPAZ) nia Dekanu Fakuldade Ekonomia, Dr. Alexandre de Sousa Guterres, Lic. Eco.,MM. ho vise dekanu hala’o enkontru ba dala rua ho estruktura fakuldade ekonomia UNDANA KUPANG ba servisu hamutuk exchange student ou troka hanorin entre fakuldade rua iha tempu badak.

Dekanu fakuldade ekonomia UNPAZ, Dr. Alexandre de Sousa Guterres, Lic. Eco.,MM. katak fakuldade ekonomia sei haruka nia estudante ne’ebé maka tama iha selesaun exchange student ho total 30 pesoas husi departementu 4 mai halo estudu komparativu ho estudante fakuldade ekonomia iha UNDANA Kupang.

Objetivu husi exchange student ne’e, atu kapasita kualidade estudante fakuldade ekonomia iha prosesu aprendizajem nomós hetan esperiensia foun liuhusi materia ne’ebé sei fó husi manorin na’in sira ne’ebé kualidade iha fakuldade ekonomia UNDANA.

Iha fatin hanesan, estrutura fakuldade ekonomia UNDANA katak, ne’e foin pela permeira-ves fakuldade ekonomia UNDANA Kupang hala’o exchange student ho fakuldade ekonomia UNPAZ Dili Timor-Leste, apresia no kontenti bele simu estudante hosi fakuldade ekonomia UNPAZ, hodi nune’e liuhusi prosesu ne’e estudante sira bele fahe sira nia matenek ba malu.

Sorin seluk, Vice Dekanu fakuldade ekonomia, Sr. José da Silva, Lic. Eco.,MM. hatutan, estudante ne’ebé maka sei haruka mai iha exchange student ne’e, sei tuir selesaun tuir kriteria ne’ebé maka fakuldade ekonomia perpara ona no sei fó kotasaun ba 30 pessoas estudante ne’ebé maka liu seleksaun.

Prejensa iha reinaun ne’e Dekanu fakuldade ekonomia, Dekanu fakuldade ekonomia UNPAZ, Dr. Alexandre de Sousa Guterres, Lic. Eco.,MM. Vice Dekanu fakuldade ekonomia, Sr. José da Silva, Lic. Eco.,MM. estruktura fakuldade ekonomia UNDANA Kupang.