TELKOMCEL HALO SOSIALIZASAUN WI-FI RAPIDU IHA UNPAZ
Dili-Universidade da Paz (UNPAZ) liuhusi empreza telkomcel Indonesia Internasional (TL) S.A. hala’o sosializasaun kona-na fornesimentu WI-FI Rapidu Telkomcel ba estrutura nomós estudante UNPAZ, hodi bele asusu ba liña internét ho kualidade ne’ebé di’ak, iha Salaun José Kasimiru (07/07) horseik.
Reprezenta ekipa Telkomcel, Sr. Fidelio Martins, husi departamentu marketing, hateten, ohin loron ami hala’o atividade eventu ida ne’e iha UNPAZ, hodi halo sosializasaun ami nia produtu ida ho nia wi-fi rapidu, ne’ebe iha wi-fi rapidu ne’e fó benefisiu teb-tebes telkomcel ho nia komitmentu hakarak hala’o liña internét ne’ebé hetan di’ak ba estudante sira hotu ne’ebé ami monta iha 11 titik iha UNPAZ.
“Ami hakarak estudante UNPAZ sira hotu atu asesu internét ho velosidade ne’ebé di’ak teb-tebes, tanba ida ne’e ho de’it pakote inlimite telkomcel ninian, bele asesu ona wi-fi rapidu nomós nia hetan velosidade ne’ebé maka’as, hanesan ohin ita haree estudante sira mós koko hotu ona, oinsa mak bele utiliza wi-fi rapidu hodi asesu ba material sira. Husi eventu ida ne’e ami hakarak atu promove ami nia produtu nomós, iha timor laran mós ami atu hala’o ami nia komitmentu, katak telkomcel ezisti iha timor-leste ne’e, atu ajuda nomós loke liña ba mundu internasional liuhusi internét ba ita nia estudante sira iha UNPAZ ida ne’e”,dehan Fidelio.
Entretantu iha eventu sosializasaun fornesimentu wi-fi rapidu ne’e, ekipa telkomcel nomós estudante sira husi Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
