SIVITAS AKADEMIKA UNIVERSIDADE DA PAZ, IHA BIBAN IDA NEE HUSI GABINETE REITORADO HAKARAK INFORMA BA

#UNPAZ# 08 JUÑU 2021

AVIZU

Sivitas Akádemika Universidade da Paz, iha biban ida ne’e husi Gabinete Reitorado hakarak informa ba ita bo’ot sira hotu, relasiona ho ita nia pedidu apoiu vasina (Astra Zaneka) iha Universidade da Paz, ne’ebé ita hetan ona konkordansia husi, (Diretora Servisu Saúde Municipal de Dili), Sra. Agostinha da C.S.Segurado.,Lic.OBST, katak fó ona orientasaun ita Universidade bele partesipa hodi hetan apoiu vasina (Astra Zaneka), sei hahu aban 09 Juñu 2021, iha horas 09:00. To’o remata, iha Salaun José Casemiru, UNPAZ.

Ne’e duni husu ba Funsionariu, Dosente sira hotu husu ita bo’ot sira nia partesipasaun masimu para ita hotu bele hetan vasina, tanba tuir politika Governu, liuhusi Ministeriu Ensinu Superior Siensia no Kultura, bainhira atividade atu reativa maka, metade de Funsionariu ou Dosente sira ne’ebé hala’o atividade tenki hetan vasina husi programa Ministeriu Saúde implementa, maibe Universidade la obriga Funsionariu Dosente atu vasina, maibe tuir konsiensia ida-idak ninian, ba sira ne’ebé antes ne’e hetan hela moras ruma karik, bele esplika diretamente ba iha pesoal Saude nian, depois mak bele hetan vasina, ba ita hotu nia kolobora no kontribui hodi garante nafatin ita nia atividade iha Universidade da Paz.

Mak ne’e de’it ba ita bo’ot sira hotu nia atensaun.

Xefe Gabinete Reitorado, Sr. Francisco M.F.Ximenes, Lic.Eko.