SIMULASAUN INTERNASIONAL RELATIONS MODEL UNITED NATIONS (IRMUN)

SIMULASAUN INTERNASIONAL RELATIONS MODEL UNITED NATIONS (IRMUN)

Dili-Universidade da Paz (UNPAZ) liuhusi Alumni Estudante Departamentu Relasaun Internasional ho inisiativa ne’ebé servisu hamutuk FCSH, hodi organiza Simulasaun Internasional Relations Model United Nations (IRMUN) ho tema “Implementation SDG4 to achieve quality education in Timor-Leste”, Aula Prof. Dr. Lucas da Costa (04/10/24).

Vise Dekanu Asuntu Akademiku FCSH, Pdt. Samuel Carlos Ribeiro, STH,M.AP (Kont S3), reprezenta dekanu hato’o agradse ba xefe departamentu RI ne’ebé kolabora ho alumni ne’ebé finaliza ona estudu iha relasaun internasional, hodi realiza eventu ida ne’e la’o ho di’ak, agradese mós ba fasilitadora Anastacia hanesan alumi ne’ebé koopera ho di’ak, hodi realiza eventu ne’e atu partilla matenek no esperiensia ba estudante sira.

“Husi atividade ida ne’e, oinsa sira bele iha esperiensia naton hanesan ema diplomata, tanba prinsipiu edukasaun ne’ebé atu la’o di’ak mak tenki apriende-apriende durante iha vida moris, tanba ema ida sei la taka dalan ba ita atu apriende iha ita nia moris lor-loron”,tenik.

Nia promete programa simulasaun ba loron ohin, ami estrutura husi fakuldade sei suporta nafatin saida mak ita bo’ot sira hanoin no programa sira atu bele la’o ho susesu no atinji, tanba ita nia hakarak ba iha kualidade edukasaun ne’ebé mak di’ak, tanba ne’e kualidade tenki mai husi ita nia an rasik iha vontade atu apriende.

Iha fatin hanesan, Xefe Departamentu RI, Sr. João Fransisco Maia, Lic, CSH.,MDS, esplika ohin ita halo simulasaun ida ne’e, hanesan atividade pilotu ida husi kurikulum ne’ebé mak ita integra iha kurikulum foun ne’ebé revizaun sei implementa iha 2024 ba oin, ita simulasaun ba MUN, tanba simulasaun MUN la’os de’it refere ba iha exersisiu akadémiku, maibe hanesan mós plata forma ida ne’ebé bele promove estudante sira-nia kritikal tinking.

“Husi atividade ida ne’e bele dezenvolve estudante sira-nia abilidade oinsa mak atu bele halo debate negosiasaun nsst.Tanba ita nia hakarak aban bainrua estudante sira remata sira-nia estudu bele iha netik bokae ruma ne’ebe bele sai hanesna sira-nia potensia ne’ebé sira bele kompete iha merkadu traballu”,dehan Xefe Departamentu RI.

Nia esklarese, ezijensia mundu traballu ohin loron ezije teb-tebes, la’os ita nia koñesimentu de’it, maibe ezije mós ita nia badaen/skil, tanba ne’e mak iha RI presiza duni ita nia skil sira oinsa atu bele halo diplomasia kona-ba abilidade atu halo negosiasaun no abilidade atu halo lobi, tanba ne’e liuhusi simulasaun ida ne’e, oinsa atu bele promove estudante sira, hau fiar katak simulasaun ohin loron no aban seminariu sei sai esperiensia di’ak liu tan ba ita bo’ot sira.

Sorin seluk, Alumni Atanasia N. N. Soares de Jesus, hanesan fasilitador esplika atividade ne’e ami halo preparsaun hahu fulan setembru nia laran, ne’ebé organiza husi ha’u rasik hanesan alumni ba iha klas pilotu, tanba ne’e ami nia preparsaun durante fulan ida, hafoin realiza simulasaun ne’e, Objetivu husi simulasaun ne’e, tanba relasaun ho estudante departamentu relasaun internasional, ne’ebé ita foka liu ba estudante smester 2,4 no 6, oinsa sira bele apriende kona-ba lala’ok diplomasia no diplomata inklui negosiasaun sira, sira reprezenta nasaun 16 nomós total delegasaun hamutuk 32 ne’ebé partisipa iha eventu ne’e.

Entretantu eventu simulasaun ida ne’e, sei hala’o durante loron rua hahú ohin halo simulasaun no aban sei iha seminariu. Partisipa iha atividade abertura ba loron dahuluk ba iha simulasaun nian, reprezenta dekanu FCSH, hodi loke abertura mak Vise Dekanu Asuntu Akademiku FCSH, Pdt. Samuel Carlos Ribeiro, STH,M.AP (Kont S3), no akompaña husi Xefe Departamentu RI, Sr. João Fransisco Maia, Lic, CSH.,MDS, inklui delegadu sira.