SERVISU KONTINUASAUN KAMPUS UNPAZ B LIQUISA

SERVISU KONTINUASAUN KAMPUS UNPAZ B LIQUISA

Dili-Universidade da Paz (UNPAZ) hala'o servisu kontiniasaun moru Liquisa ne'ebé kompostu husi Gabinete Reitoradu, fakuldade sira no unidade sira inklui mós estájiadus sira, iha Kampus UNPAZ B Liquisa (19/04).

Dekanu Fakuldade Enjeñaria, Sr. José Manuel Maniquin, AP, Lic.Eng.,M. Eng. hateten ha'u hanoin servisu ida ne'e atu kontinuasaun programa estájiu sosial tinan ida ne'e iha Kampus B Liquisa nomós Kampus sentrál, ho ida ne'e Kampus Liquisa ita hare'e katak, ita fahe tiha ona ba grupu hamutuk 20. Maibé labele responde ho servisu ho aitem konstrusaun nian, entaun liuhusi desizaun universidade katak, ita tenki apoiu tan sira ne'ebé mak fahe ba grupu hitu primeiru hahú husi Gabinete Reitoradu mai to'o unidade Jardineru, bazeia ba despacho ne'ebé mak hatun husi Universidade katak ita nia servisu ne'e sei hahú sexta ba oin.

"Maibé ho servisu ne'ebé sei barak tuir mai, entaun fakuldade Engeñaria hola inisiativa ida organiza ninia Dosente ho nia Funsionariu sira inklui mós estudante balu, atu hahú dadaun ona servisu refere. Tanba ita hare'e tempu ne'e mós besik dadaun ona, husu mós ba kolega sira husi fakuldade sira seluk, atu bele mai bele halo dadaun ita bo'ot sira nia servisu ona, para ita bele finaliza ita nia servisu ne'e iha data ne'ebé determina ona",dehan Maniquin.

Iha fatin hanesan, Dekanu Fakuldade Teknologia Agrikola, Sr. Jonio dos Santos, Lic. Tec.,M.Agr. salienta, emprinsipiu iha orariu fiksu ona ita hala'o servisu, maibé ita haree ba tempu ne'ebé limitadu, tanba destájiu sosial ne'e dia 27 tenki remata, ho ida ne'e inisiativa husi Universidade atu fakuldade nomós umidade sira hotu ita apoiu hotu servisu ida ne'e, bele finaliza lalais tuir tempu ne'ebé mak iha.

"Ita mós husu tulun apoiu husi estudante sira atu apoiu hotu servisu ida ne'e, tanba atividade ida ne'e hola parte husi Kampus ida ne'e nian hotu, atu bele asegura Kampus ida ne'e",tenik Dekanu Agrikola.

Funsionariu Elsa Soares, ne'ebé reprezenta Jardineru, Hateten ami unidade sira servisu apoiu unidade, hahú husi Gabinete Reitoradu mai to'o unidade Jardineru, tanba bazeia ba despaisu universidade nian katak, Funsionariu sira hotu ne'ebé hamahan an iha Universidade da paz, hotu-hotu atu apoiu servisu konstrusaun moru ne'ebé seidauk finaliza husi estájiadus sira iha Kampus B Liquisa.

Entretantu tuir observasaun estudante iha terenu katak, estájiadus sira nafatin servisu tuir ida-idak nia grupu hanesan bai-bain.