SERIMONIA TOMADA DE POSSE SENADU ESTUDANTIL UNIVERSIDADE DA PAZ PERIODU 2024-2025

SERIMÓNIA TOMADA DE POSSE SENADU ESTUDANTIL UNIVERSIDADE DA PAZ PERÍODU 2024-2025

Dili-Universidade da Paz (UNPAZ) liuhusi estrutura Senadu Estudantil Universidade da Paz, organiza Serimónia Tomada de Posse ba estrutura Senadu Estudantil eleitu Períodu 2024-2025, iha Salaun Jose Casimiro (04/12/24).

Iha eleisaun senadu estudantil ne’e Vice Reitora Asuntu Estudantil, Sra. Felisbela A. O de Oliveira, Lic.Sp., M.SP, relata katak primeira vez simu prezenti ida ne’ebé mak furak teb-tebes, husi senadu sesante sira prezenti ida ne’e hanesan domin no hatudu katak domin ne’e la’os ba de’it imi nia parseiru/a maibe domin ne’e hatudu ba ema hotu-hotu no ha’u hanesan imi nia bin ha’u hadomi imi hotu.

Apresia ba senadu sesante ho nia estrutua sira hotu ba ita bo’ot sira nia servisu durante ne’e hanesan vise reitor assuntu estudantil, saida mak imi halo ha’u hanoin la presiza atu bele ko’alia maibe ita iha Media Center Unpaz, rai hela iha ne’eba no fo espasu ba ema hotu-hotu atu bele haree buat hirak ne’ebé mak ita halo, wainhira ita konta se mak atu bele rona, tanba ema barak haree tiha ona katak saida mak imi halo no saida mak imi seidauk halo, maibe buat ne’ebé imi halo imi husik hela ba ami no hamutuk ho senadu eleitu ho estrutua sira ami sei kontinua no ami labele husik ida ne’e ho sira nia promesa sira ne’ebé sira promete ona.

Nia hatutan tan ba senadu eleitu sira parabens ba ita bo’ot sira, hetan ona posse hakruk ba kumprimisiu sira hotu no hala’o ba aktividade sira ne’ebé ohin ita bo’ot sira promete, no sai senadu la’os sai ema bo’ot, sai senadu ita nia servisu iha kampu, senadu estudantil eleitu nomós senadu estudantil fakuldade neen (6) hamutuk ho ha’u hanesan vise reitor estudantil ha’u apoiu ita bo’ot sira no ita haree hamutuk programa saida mak ita bele halo depois hetan aprovasaun ita la’o, maibé saida mak ita la’o tenki tuir administrasaun ne’ebé mak iha, ita labele la’o mesak no la’o tuir ita nia hakarak, buat hirak ne’ebé mak ita bele atu halo iha universidade ida ne’e hodi hatudu ba povu no komunidade sira hodi fo fi’ar nafatin ba ita mak ita la’o tuir estatutu ne’ebé mak iha.

No tuir mai ita sei kontinua distribui premiu ba diskursu no debate publiku ho lian português ba loron rua liu ba, hakarak hato’o parabens ba ita bo’ot sira, no ita bo’ot sira sai ezemplu ba alin ka kolega sira tuir mai, iha debate ida ne’e apresia no louva ba ita bo’ot sira, tanba ita bo’ot sira bele ativa iha aktividade ne’ebé hala’o iha loron rua liu ba aktividade ne’ebé urjenti tebes maibe ita bo’ot sira bele tan ne’e apresia tebes ba ita bo’ot sira bele hanorin ba ita bo’ot sira nia alin sira tuir mai no halo universidade ida ne’e di’ak liu tan iha futuru.

Iha fatin hanesan senadu estudantil eleitu Vitor de Jesus Barros, hateten agradese ba komfiansa hotu ne’ebé maluk estudante sira fo fiar hodi sai hanesan senadu estudantil universidade da paz, hodi sai hanesan orgaun ezekutivu no orgaun reprezentativu ida ne’ebé reprezenta maluk estudante sira iha universidade. No iha fulan kotuk liu ba komfiansa fo husi estudante universidade da paz , ohin momentu importante ida hodi hetan poder lejitimu ida hodi hala’o ami nia funsaun durante periodu ida nia laran, tanba ne’e poder ne’ebé ita bo’ot sira fo nu’udar reponsablidade ida ba ami durante periodu ida.

No iha mandatu tinan ida ita sei hala’o programa ne’ebé mak integra iha tres pilares akademíku no nia mudansa tenki kontribui ba mudansa estadu nian, nomós iha momentu importante ida ne’e hau hakarak husu ba maluk estrutura sira ne’ebé ohin eleitu legal hodi sai ona estrutura imi tenki iha responsablidade hodi deside ita nia an ho vontade tomak hodi servisu voluntariu ba maluk sira ne’ebé fo fiar mai ita hodi lidera, nune’e mós ita rona beibeik magnifíku Reitor sempre iha nia diskursu hateten katak Unpaz mak sosiedade, no sosiedade mak Unpaz tanba ne’e saida mak ita halo tenki define ba sosiedade no kontribui ba estadu ida ne’e. No atu hateten deit katak buat ne’ebé karik ami sei halo la diak presiza imi nia kritika no sujestaun atu nune’e ita bele halo buat ne’ebé mak diak ba univesidade ida ne’e.

Entretantu iha serimónia tomada de posse ne’e partisipa husi, Vice Reitora Asuntu estudantil, Estrutura Universidade, Estrutura Fakuldade ne'en, nomós senadu estudantil fakuldade ne'en ho estrutura, senadu estudantil universidade sesante no eleitu ho estrutura, inklui sivitas akademíku fakuldade ne'en iha Universidade da Paz.