SERIMONIA TOMADA DE POSE HUSI SENADU ESTUDANTE SESANTE BA SENADU ESTUDANTE ELEITU

#UNPAZ# 02 UOTUBRU 2021

SERIMÓNIA TOMADA DE POSE HUSI SENADU ESTUDANTE SESANTE BA SENADU ESTUDANTE ELEITU

Dili-Universidade da Paz (UNPAZ), liuhusi Fakuldade Saúde Públika hala’O serimónia tomada de pose husi senadu estudante sesante ba senadu estudante eleitu ho lasu amizade hamutuk ho estudante foun no distribui sertifikadu Public Speaking, iha Salaun José Kasimeiru (02/10).

Magnifiku Reitór,Universidade da Paz, Dr. Adolmando Soares Amaral, Lic, Eco. MM, hateten atividade tomade de pose ba senadu kada tinan sai ona kultura iha ensinu superior sira, kada tina ita tenki asume kargu ida ne’e tinan ida-ida, Pozisaun sira ne’ebé ita bo’ot sira hetan, ita bo’ot sira kuandu iha atividade ne’ebé ita bo’ot sira hatur ona iha planu, depois ita bo’ot sira implemeta no exekuta, ita bo’ot sira mós aprende ona oinsa atu prepara a’an sai lideransa iha tempu sira tuir mai.

"Sujere ba senadu eleitu sira imi iha ona planu di’ak, laiha koko atu ajusta tán hanoin sira ne’ebé imi na’in hira ne’e iha, para depois bele formula iha ita bo’ot sira nia planu annual ba tinan ida, sai senadu estudante tenki iha kapasidade intelektual ne’ebé naton nomós iha kapasidade manejereal para organiza, husu senadu eleitu sira tenki halo atividade sira", dehan Reitór.

Nia hatan apresia ba Fakuldade Saúde Públika, liu-liu ba estrutura sesante sira hamutuk ho estrutura Fakuldade bele organiza atividade konkursu Public Speaking, husi ida ne’e mak atuhatudu UNPAZ nia kualidade ne’e iha ne’ebá.

Dekaun Fakuldade Saúde Públika, Sr. Martinus Nahak Lino, AMKL.,Lic.SP.,MPA, hatutan, ohin ita Fakuldade Saúde Públika ofisialmente ita hahú hikas fó tomada de pose ba estrutura foun, husi senadu Fakuldade Saúde Públika sesante remata ona sira nia kna’ar iha tinan ida nia laran.

Nune’e prosesu tomak iha Fakuldade Saúde Públika hamutuk ho senadu Fakuldade ninian, atu ita hotu kontinua nafatin fó liman ba malu prosesu akadémiku iha Fakuldade Saúde Públika la’o tuir kalendariu ne’ebé Universidade desidi ona iha tinan ida nia laran.

"Iha 2020 to’o 2021 senadu sesante ajuda ona FSP iha atividade oi-oin, sira nia kontribuisaun ita labele sura, tanba bo’ot tebes ba progresu FSP, tanba ne’e laiha liafuan ida atu hato’o ba sira, ita hato’o ita nia gardesimentu ba sira hotu ne’ebé fó ona esforsu tomak no hanoin sira hodi dezenvolve FSP ba futuru ne’ebé ho di’ak, kontinua nafatin imi nia esperiensia", haktuir Dekanu FSP.

Nia Salinta, ba senadu eleitu bemvindu ba imi kna’ar ne’ebé uluk sira sesante tutela, agora imi mak iha imi nia kabas imi nia hanoin, atu hamutuk ho vice dekanu III Fakuldade Saúde Públika nian, ita hamutuk dezenvolve aktividade sira ne’ebé bele kontribui ba dezenvolvimentu ita nia Fakuldade Saúde Públika ho di’ak.

Senadu Sesante, Sr. Bonifaçio Quintão, iha nia diskursu hateten, atividade sira ne’ebé durante ami nia mandatu ami halo mak iha pontus hirak ne’ebé ohin temi ona, sira ne’ebé mak ami la halo bazeia ba situasaun ne’ebé akontese hela iha ita nia rai, rekomenda ba terseiru vice dekanu, bazeia ba atividade extra kurikuler ne’ebé senadu eletu atu halo atu la’o ho di’ak, hodi kontribui ba iha Fakuldade no Universidade, sujere prepara hela fatin simples ida ba senadu eleitu.

Senadu Eleitu Sr, Jeronimo L. do Rosariu de Deus, iha nia diskursu, ohin ha’u mai hamrik iha ita bo’ot sira nia oin hanesan senadu eleitu, planu ba programa hira ne’ebé iha hensan, ita sei hari’i tan "Organizasaun Estudante Hadomi Natureza Ida Iha UNPAZ"atu nune’e ita bele kompriende materia sira ne’ebé ita promove sei sai ba ambiental, ita aprende iha siénsia no pratika iha terenu, sei haree mós kona-ba ita nia jardin neebé iha tanba seidauk iha ai-funan sira, nomós atividade sira seluk.

Partesipa iha atividade refere, Magnifiku Reitór,Universidade da Paz, Dr. Adolmando Soares Amaral, Lic, ho estrutura, Dekanu sira, Diretor/a Unidade sira, , Dosente, Funsionariu, inklui Estuidante sira, iha Universidade da Paz.