SERIMONIA ROTASAUN ESTUDANTE FSPCM DEPARTAMENTU ENFERMAGEN ETAPA I IHA H.R. SUAI

SERIMÓNIA ROTASAUN ESTUDANTE FSPCM DEPARTAMENTU ENFERMAGEN ETAPA I IHA H.R. SUAI

Suai 24/09/2024 Universidsde da Paz (UNPAZ) liuhusi UNPAZ Ramu Suai, organiza Serimónia rotasaun fatin estájiu husi estudante Departamentu Enfermagen etapa I iha Hospital Referal Suai.

Diretor Ezekutivu Hospital Referal Suai, Sr. Domingos de Fatima O. Lemos, Lic SP. hateten sai estudante la'os atu halimar, maibe sai estudante atu prepara an, tanba ne'e tempu labele husik liu de'it, tanba tempu ne'ebé liu ona ita labele foti fila fali, tanba ne'e, imi tenki prepara imi nia an didi'ak ba futuru ida ne'ebé mak di'ak.

Sorin seluk, Reprezentante CI, Sr. Alberto Coli, Lic. Enf. hato'o agradese wa'in ba UNPAZ pela primeiraves fornese estudante husi departamentu enfermagen mai halo pratika iha hospital referal Suai, ne'ebé aijuda tebes ami durante semana tolu nia laran, maske ho situasaun balu ke tenki fera ulun, tanba sira foin mak pratika ba iha etapa primeiru nian.

“Sira Mai aijuda tebes servisu iha hospital referal Suai, maske primeiraves ita tenki fera ulun, maibe emprinsipiu estudante sira aijuda tebes hospital referal Suai. Tanba ne'e, husu ba estudante sira, tenki hatudu etika de enfermagen, no komunikasaun ho pasiente, tanba ne'e ho siensia ne'ebé imi hetan hatudu nafatin imi nia kualidade no labele hamoe naran enfermeiru”,dehan reprezentante CI.

Iha Fatin hanesan Reprezenta Dekanu FSPeCM-UNPAZ, Sra.Teresina Ribeiro Gonçalves, Lic.SP, M.SP. hato'o agradese no orgullu ba Diretor Ezekutivu referal Suai ho funsionariu sira hotu akompaña ona estudante sira durante semana tolu nia laran, tanba ne'e atividade ida ne'e ita realiza hanessn, atividade rotasaun ba estudante sira-nia fatin estájiu, tanba ne'e, ohin ami lori sira husi hospital sentru komunidade Ermera, Maubara no Laulara mai fali iha Suai no Estudante Suai nian sei desloka ba fali iha Ermera Lama, Railaco Maubara no Laulara.

Reprezenta Estudante sira mós hato'o agradese ba parte hotu liu-liu ba iha parte Saúde nian, nomós ba iha parte hotu husi UNPAZ nian ne'ebé akompaña ona ami durante ne'e, inklui agradese mós parte CI sira nia prejensa mós iha fatin ida ne'e.

Entretantu partisipa iha eventu ne'e, Diretor UNPAZ Ramu Suai, Sr. Silvester Fereirra, Lic. Eco.,MM. Dosente orientadór sira mak hanesan: Sra. Teresina Ribeiro Gonçalves, Lic.SP, M.SP. Sr. Cesaltino Maria Pires, Lic.SP.,M.SP. Sr. Andre Soares dos Santos. S.KEP, NERS. Sr. Honorio Pereira Vicente, Lic.SP., M.Kes, Sr. Aniceto da Conceição Pacheco, Lic.SP., M.SP. inklui Estudnate sira. Diretor ezekuivu hospital referal Suai, CI, Korpos dosente, Reprezenta dekanu FSPeCM.