SERIMONIA LANSAMENTU PRIMEIRA PEDRA BA PROGRAMA ESTAJIU TINAN 2021 IHA UNPAZ

#UNPAZ# 29 JUÑU 2021

SERIMÓNIA LANSAMENTU PRIMEIRA PEDRA BA PROGRAMA ESTÁJIU TINAN 2021 IHA UNPAZ

Dili-Universidade da Paz (UNPAZ), nia Magnifiku Reitór, Dr. Adolmando Soares Amaral, Lic, Eco. MM, no Prezidente Fundasaun Neon Metin, Ir. José Menezes M. Food Tech, hamutuk ho estruta tomak, sermónia lansamentu primeira pedra konstrusaun ba, jardin no uma rua ba seguransa, iha Kampus UNPAZ (29/06).

Magnifiku Reitór Universidade da Paz, Dr. Adolmando Soares Amaral, Lic, Eco. MM hateten atividade komesa horseik, maibe ohin mak foin halo lansamentu primeira pedra, tanba estájiu sosiais ba tinan ida ne’e ita labele ba Munisipiu tanba estadu emeejensia no serka sanitaria labele autoriza ita atu sai, maka ita desidi estájiu sosiais ne’e ita halo iha resintu Universidade da Paz. ita nafatin kumpri regra husi Ministeriu Saúde no Saúde Mundial , tanba ita situasaun emerjensia no serka sanitaria, politika sira ne’e hotu governu halo di’ak ba ita, tanba ne’e ita  tenki kopera bele halo atividade mais tenke distansia uza maskra.

“Ita bo’ot sira lakleur sai alumi, servisu ho responsabilidade, ita hotu-hotu asegura obra ne’ebé mak matebian husik hela ba ita, nafatin hamutuk ho Fundasaun no Universidade kontinua asegura Universidade ida ne’e ho kualidade ho nia imajen sira, nomós kualidade ba siensia no teknologia liuhusi ita bo’ot sira ne’ebé mak sei sai produtu Universidade da Paz, iha sosiedade iha tempu tuir mai”,dehan Reitór.

Prezidente Fundasaun Neon Metin, Ir. José Menezes M. Food Tech, hatutan estájiu sosiais ba tinan ida ne’e ita iha hela estadu emerjensia, labele mobiliza ba liur, ita halo atividade nafatin iha ne’e.

Partesipa husi, Magnifiku Reitór, Dr. Adolmando Soares Amaral, Lic, Eco. MM, Prezidente Fundasaun Neon Metin, Ir. José Menezes M. Food Tech, Pro-Reitór, Dekanu, Diretór Unidade, Dosente Funsionariu, inklui Estudante sira.