SERIMONIA INTREGA KNAAR HUSI XEFE DEPARATAMENTU SESANTE BA XEFE DEPARTAMENTU ATUAL

SERIMÓNIA INTREGA KNA’AR HUSI XEFE DEPARATAMENTU SESANTE BA XEFE DEPARTAMENTU ATUAL

Dili-Universidade da Paz (UNPAZ) nia Xefe Departamentu Administrasaun Públika Sr. Albertino de Jesus, Lic.CSH.,M.AP ohin intrega kna’ar ne’ebé durante responsabilidade ba fali Xefe Departamentu foun Dr. Leonito M. Martins, Lic.CSH.,M.AP. ho razaun intrega kna’ar ne’e tanba Xefe Departamentu tuan kontinua nia estudu Doutoramentu, iha Aula CSH (01/02).

Dekanu Fakuldade Siensia Sosiais Humaniora, Dr. Fernando Diaz Gusmão, AMd, M.AP. hateten organizasaun ne’e estrutura sempre iha dinamiku katak, iha tempu balu ita balu asumi kna’ar hodi hala’o responsabilidade, to’o tempu sira balu mak mai kontinua hala’o responsabilidade fali hanesan ne’e bei-beik ba oin.

“Ida ne’e hatudu katak, organizasaun ne’e sei la mate,organizasaun ne’e sei moris bei-beik , tanba ema mak troka malu hodi hatutan vizasaun no misaun organizasaun ne’e nian, parabens ba Dr. Leo, ne’ebé simu kna’ar foun, aliende lidera Mestradu Administrasaun Públika nomós lidera programa Lisensiatura Administrasaun Públika, fiar katak, esperiensia durante Dr. Leo iha hatudu ona iha programa barak sempre susesu iha ninia servisu”,dehan Nia.

Pro Reitor Asuntu Administrasaun Dezenvolvimentu Rekursu Humanu, Sr. Carmo Antonio Pinto Baptista, S.Sos.,M.Si. Akresenta, agradese bo’ot ba Dekanu, tanba esforsu ne’ebé dekanu halo to’o ona ninia rejultadu, Fakuldade CSH tempu ba tempu, la’os atu ki’ik oan ba kotuk, maibe tenki bo’ot ba oin, tanba bo’ot ba oin la desidi ba sé de’it no la termina ba sé de’it, maibe hotu-hotu tenki iha responsabilidade.

“Agradese ba Dr. Albertino, ita bo’ot nia komprimisiu tomak durante hahú prosesu mai to’o loron ohin, Departamentu ida ne’e iha Fakuldade bele sai numeru forsa maior, ita bo’ot nia prosesu kontinuasaun ba doutoramentu, esforsu didi’ak tanba Universidade hein duni ita bo’ot nia prezensa, la’os mai hanesan Mestradu, maibe mai hanesan Doutoramnetu”,tenik Sr. Carmo.

Xefe Departamentu Administrasaun Públika, Sesante, Sr. Albertino de Jesus, Lic.CSHM.AP. esklarese kna’ar ne’ebé ha’u simu pose iha dia 05 de Setembru 2019, maibe lahatene saida mak ha’u atu halo iha tempu ne’eba, maibe ho korajen bo’ot mai ho ekipa bo’ot ida ne’ebé lidera husi ita nia Dekanu Fakuldade Siensia Sosiais Humaniora, Dr. Fernando Diaz Gusmão, AMd, M.AP, kompleta mós ho maluk sira seluk atividade lubuk ida ita bele ultrapasa.

“Dokumentu hotu ne’ebé intrega ba Xefe Departamentu foun, sai hanesan simboilikamente atu kontinua servisu ba futuru, ha’u sente kontente tanba durante ha’u nia mandatu servisu ekipa ne’ebé koperativu tebes, to’o ohin loron buat hotu la’o di’ak”,Nia haktuir.

Xefe Departamentu Atual, Dr. Leonito M. Martins, Lic.CSH.,M.AP. hato’o parabens ba Xefe Departamentu sesante, tanba hetan biban di’ak ida ne’ebé ita la espera no ita la hanoin durante ne’e, maibe teki-teki ohin mosu Dr. Albertino asina kontratu atu ba kontinua nia estudu Doutoramentu, ida ne’e biban ida di’ak ita la imajina.

“Dr. Albertino, halo planu didi’ak, planu familia, planu estudu halo didi’ak, para biban ida ne’e labele husik lakon, ba ho naran Sr. Albertino de Jesus, Lic.CSH.,M.AP, fila ho naran Dr. Albertino de Jesus, Lic.CSH.,M.AP, tanba ita bo’ot ba fila mai sei garante liu tán kualidade atendementu husi programa Administrasaun Públika nomós ba Fakuldade CSH, liu-liu ba naran Universidade da Paz”,Subliña Nia.

Nia hatutan, Hanesan Xefe Departamentu foun, naran mak Dr. Leonito M. Martins, Lic.CSH.,M.AP. servisu ita hotu iha Fakuldade ne’e responsabilidade ita nian hotu, ita hamutuk para garante kualidade atendementu di’ak liu tán.

Partisipa iha atividade refere, Dekanu Fakuldade siensia sosiais Humaniora, Dr. Fernando Diaz Gusmão, AMd, M.AP. Pro Reitor Asuntu Administrasaun Dezenvolvimentu Rekursu Humanu, Sr. Carmo Antonio Pinto Baptista, S.Sos.,M.Si. Xefe Departamentu Administrasaun Públika, Sesante, Sr. Albertino de Jesus, Lic.CSHM.AP. Xefe Departamentu Atual, Dr. Leonito M. Martins, Lic.CSH.,M.AP.,ho Estrura sira hotu iha fakuldade CSH.