SERIMONIA ENTREGA SERVISU HUSI ESTRUTURA TUAN BA ESTRUTURA FOUN

SERIMÓNIA ENTREGA SERVISU HUSI ESTRUTURA TUAN BA ESTRUTURA FOUN

Dili-03 de Fevereiru 2025 Universidade da Paz (UNPAZ) liuhusi gabinete Vise Reitor Asuntu Administrasaun Geral no Finansas, hala’o serimónia ba termu entrega servisu husi estrutura tuan ba estrutura foun tinan akadémiku 2025.

Iha serimónia ba termu entrega servisu mak hanesan: Xefe Kordenador Kontabilidade Sesante husi periode 2019-2024, Sra. Delia Iria Magno de Araujo, Lic. Eco.,M.Kon. no Funsionariu Responsabilidade Servisu Seguransa Sosial Sesante, Sra. Angela Laura Sofia Sarmento, Lic. Eco.,entrega servisu ba Xefe Asisitensia Siguransa Sosial e Bolseiru atual, Sra. Alexadrina de Jesus, Lic.Eco.,M.Kon. hodi hala’o servisu no responsabilidade husi 2024-2029.

Vise Reitor Asuntu Administrasaun Geral e Finansas, Dr. Caetano C. Correia, Lic. Eco.,M. Akt,CMA. C. FR.,CIA. hateten kultura/organizasaun hotu-hotu sempre iha mudansa ba estrutura. Husi mudansa estrutura ne’e, oinsa bele kapasita ita ida-idak nia koñesimentu no hasa’e ita ida-idak nia esperiensia husi diresaun ida ba diersaun seluk, nune’e bele haburas no nakonu tan ita nia esperiensia atu bele hala’o ita nia responsabilidade ho di’ak.

Entretantu iha serimónia entrega servisu ne’e, partisipa husi Vise Reitor Asuntu Administrasaun Geral e Finansas, Dr. Caetano C. Correia, Lic. Eco.,M. Akt,CMA. C. FR.,CIA. Pro-Reitor Asuntu Dezenvolvimentu Rekursu Humanu, Sr. Carmo A. P. Baptista, S.Sos.,M.Si. inklui Funsionariu Gabinete Administrasaun Geral no Finansas nian.

Atividade ne’e organiza iha Gabinete Administrasaun Geral no Finansas Universidade da Paz.