SERIMONIA ENTREGA SERVISU HUSI ESTRUTURA SESANTE BA ESTRUTURA ATUAL

SERIMÓNIA ENTREGA SERVISU HUSI ESTRUTURA SESANTE BA ESTRUTURA ATUAL

Dili-Universidade da Paz (UNPAZ) liuhusi Internal Quality Assurance (IQA-CD) hala’o serimónia entrega servisu husi estrutura sesante ba estrutura atual, hadi hala’o servisu IQA nian durante mandatu husi 2025-2029, iha office IQA-CD (14/01/25)

Vise Reitór Asuntu Akadémiku, Sr. Joaninho Xavie Hei, Lic. CSH, M.Ed.,PhD. Hato’o agradese ba estrutura nia servisu hamutuk durante ne’e, iha organizasaun ne’ebé de'it mudansa estrutura ne’e normal, maibe importante mak ita nia kolaborasaun servisu hamutuk.

“Ohin diretor sesante entrega servisu ba iha diretor foun hodi hala’o atividade iha parte IQA nian, esperansa katak servisu ne’ebé hala’o iha tinan hirak liubá bele entrega ba diretor foun ho relatoriu sira. Tanba bai-bain reitór dehan kargu ne’e la’os oportunidade, maibe ne’e responsabilidade”,dehan Vise.

Iha fatin hanesan, Pro-Reitor IQA-CD, Dr. Arquimino Ramos, Lic. CSH.B.Bus.,MM. hato’o apresiasaun no agradese ba konfiansa tomak ne’ebé oferese ba ha’u durante mandatu tinan lima ho ida ne’e agradese no obrigadu wa’in ba magnífiku reitór, espera ho diretór foun sei bele harmoniza parte IQA nian di’ak liu iha futuru.

Sorin seluk, Diretor atual IQA-CD, Sr. Albino de Jesus Barros, Lic.Tec.M.Tec. hateten konfiansa ne’ebé depozita husi magnífiku reitór ho senadu universidade hodi lidera parte IQA nian, maibe nafatin husu estrutura sesante nia apoiu ba servisu sira. Tanba durante tinan barak iha esperiensia lubuk ida iha parte IQA nian, ho ida ne’e ami nafatin husu ita nia servisu hamutuk.

Partisipa iha serimónia refere, Vise Reitór Asuntu Akadémiku, Sr. Joaninho Xavie Hei, Lic. CSH, M.Ed.,PhD. Pro-Reitor Sesante IQA-CD, Dr. Arquimino Ramos, Lic. CSH.B.Bus.,MM. Diretor atual IQA-CD, Sr. Albino de Jesus Barros, Lic.Tec.M.Tec. ho estrutura inklui Funsionariu husi IQA nian.