SERIMONIA ENTREGA SERVISU HUSI ESTRUTURA CEE-PAZ SESANTE BA ESTRUTURA CEE-PAZ ATUAL

SERIMÓNIA ENTREGA SERVISU HUSI ESTRUTURA CEE-PAZ SESANTE BA ESTRUTURA CEE-PAZ ATUAL

Dili-Universidade da Paz (UNPAZ) liuhusi Centru Estudu Estrategiku da Paz (CEE-PAZ) hala’o serimónia entrega servisu husi estrutura tuan CEE-PAZ ba estrutura foun tinan akadémiku 2025-2029, iha Aula CEE-PAZ (21/01/25).

Iha serimónia ne’e, Vise Reitora Konsellu Sientífiku, Sra. Hermina dos Santos Ximenes, L. Enf.,M.Kep. Hateten failansu no esperiensia sira ne’ebé estrutura sesante hato’o ba diretor, hanesan esperiensia ida durante nmandatu nian, maibe importante ba estrutura foun bele halo fali buat foun iha etapa sira tuir mai no hadia ba ida ne’ebé mak seidauk kontinua, importante mak ita nia servisu hamutk no koopera.

Iha fatin hanesan, Pro-reitor Sesante CEE-PAZ, dr. m.Antoninho Benjamin Monteiro,S.Ked. hato’o agradese no obrigadu wa’in ba parte hotu ne’ebé durante servisu hamutuk ne’ebé iha esperiensia barak iha buat di’ak nomós ladi’ak, maibe ida ne’e hanesan dinamika moris nian no dinamika iha área ne’ebé ita hala’o servisu.

“Espera ba oin ho diretor foun nia servisu sei bele la’o di’ak liutan iha área ida ne’e, ne’ebé sei hetan suporta masimu husi direjente universidade, nune’e buat sira ne’ebé failansu/eru ne’ebé akontese iha ha’u nia mandatu bele evita, karik la evita bele redus nia volume”,dehan Pro-reitor Sesante.

Sorin seluk, Diretor Geral CEE-PAZ Atual, Sr. Elias P. Moniz,AMKL,SKM,PGEA,PGS.Sos,MSP. katak ha’u simu responsabiliade ida ne’e, maibe husi esperiensia barak ne’ebé ohin estrutura sesante partilla ha’u simu no ba oin iha difikuldade ruma ha’u nafatin konsulta ho estrutura sesante, nune’e programa ida ne’e bele la’o ho di’ak, hodi hamorin naran universidade ida ne’e bo’ot liután ba oin

“Agradese ba esperiensia ne’ebé ohin pro-reitor fahe ona, nune’e ha’u bele tau atensau/antisipa, sé ha’u la hetan esperiensia sira dalaruma bele difikulta iha atividade sira”,dehan DG CEE-PAZ.

Partisipa iha serimónia refere, Vise Reitora Konsellu Sientífiku, Sra. Hermina dos Santos Ximenes, L. Enf.,M.Kep. Pro-reitor Sesante CEE-PAZ, dr. m.Antoninho Benjamin Monteiro,S.Ked. Diretor Geral CEE-PAZ Atual, Sr. Elias P. Moniz,AMKL,SKM,PGEA,PGS.Sos,MSP. inklui funsionariu sira husi CEE-PAZ.