SERIMONIA ENSERAENTU FORMASAUN PEDAGOJIA BA DOSENTES UNPAZ

SERIMÓNIA ENSERAENTU FORMASAUN PEDAGOJIA BA DOSENTES UNPAZ

Dili-Universidade da Paz (UNPAZ) realiza serimónia enseramentu formasaun kursu Pedagojia ba etapa dahaat nian ba dosentes hamutuk tolu nulu resin ida (31) durante semana rua nia laran, iha Centru Polisia Akademia Comoro (23/08).

Iha fatin hanesan, Komandante Centru Formasaun Pedagojia Superintendente Xefe Sr. Emilio dos Santos, hateten ita implementa kursu pedagojia ida ne’e ba dosente universidade ne’e hanesan programa ida ne’ebé ita implementa atu inklui iha ita nia akordu iha tinan ida ne’e, ita fiar katak manorin sira, iha universidade sira mós tenki integra iha sistema ida ne’e.

“Ha’u halo ona komunikasaun ho formador husi universidade, formasaun laiha problema, ita prontu atu fasilita nafatin formasaun ba dosentes sira, iha parte balu eziji atu bele implementa lalais sira-nia programa, maibe ita tau prioridade liu ba iha Universidade sira”,dehan Komandante.

Sorin seluk, Reprezenta Universidade, Sekretariu Ezekutivu Internal Quality Assurance (IQA) e Sertifikasaun Dosente, Sr. Cleofas da Costa Seixas, Lic. SP.,M.SP. hateten formasaun ida ne’e nu’udar parte ida importante tebes ba iha instituisaun sira, nune’e bele aijuda iha akreditasaun nian, tanba ne’e formasaun ne’e ba faze daat nian ho total dosente 31 pesosas mak tuir ona formasaun pedagojia ida ne’e, tanba ne’e husi kooperasaun ne’ebé entre parte rua hala’o universidade ho Polisia, ha’u fiar katak sei bele kontinua nafatin, ho ida ne’e dosente sira ne’ebé seidauk tuir, sei kontinua fila fali iha semana oin, hodi kompleta lista ne’ebé mak ita submete.

Reprezenta Formandu, Pro-Reitor Asuntu Dezenvolvimentu Rekursu Humanu, Sr. Carmo Antonio P. Baptista, S. Sos.,M.Si. Agradese ba komandante ba iha tempu ida, ami na’in 31 ne’ebé partisipa iha formasaun ida ne’e, ba ekipa traballu tomak ne’ebé lori ami iha semana tolu nia laran ne’ebé hahu dia 8 de agustu 2023 ita halo abertura, depois ida ne’e ita kontinua ho materia, iha primeira semana aprende kona-ba materia pakote sira, ba semana segundu mai to’o iha loron ida ohin, ami ida-idak sei aprezenta ami nia koñesimentu nomós esperiensia balu no skill ne’ebé fó mai ami agradese, tanba ne’e mak esperansa husi universidade hodi haruka ami mai aprende iha fatin ida ne’e.

Partisipa iha Serimónia enseramentu kursu Pedagojia ne’e, Komandante Centru Formasaun Pedagojia Superentendente Xefe Sr. Emilio dos Santos. ho estrrutura, Komandante Centru Formasaun Polisia Akademia Comoro. Dr. Arquimino Ramos, nomós Formandu sira.