SERIMONIA BENSAUN KARETA 11 TOO ONA UNIVERSIDADE

#UNPAZ# 12 OUTUBRU 2021

SERIMONIA BENSAUN KARETA 11

TO’O ONA UNIVERSIDADE

Dili-Universidade da Paz (UNPAZ) hala’o serimónia fó bensaun ba kareta sanulu resin ida (11), to’o ona Univeraidade, molok distribui ba iha estrutura universidade sira hodi hala’o servisu, iha Kampuz UNPAZ (12/10).

Magnifiku Reitór, Universidade da Paz, Dr. Adolmando Soares Amaral, Lic. Eco., MM, hateten kareta sanulu resin ida(11), sei distribui ba estrutura universidade no fakuldade ho objetivu atu fasilita sira nia servisu hodi bele asegura polítika universidade nian ba reforma no kualidade.

“Ohin primeira faze ita distribui kareta sanulu resin ida (11), no segundu faze fim de Novembru ita sei distribui tán motor ba Xefe Departamemtu sira, no inisiu de Janeiru sei disteibui tán motor ba vice Dekanu sira inklui Diretor Unidade sira iha UNPAZ”,tenik Reitór.

Amu Kapelaun José Tacae, hatutan iha fó bensaun ba kareta sira ne’e, iha Universidade da Paz ita mai iha fatin ida ne’ebé nakonu ho dame no nakonu ho paz, ita kesi ita nia a’an iha universidade ida ne’e hamutuk ho Magnifiku Reitór nu’udar ita nia aman/maun tuir ita nia lisan.

“Kareta sira iha ita nia oin no motor sira ne’ebé sei mai tán, nu’udar aman/maun nia hakarak kumpri ba ita atu fasilita prosesu hotu no servisu sira, tanba ne’e ho maneira sira ne’ebé ita simu, ita hakarak agradese nomós fó obrigadu ba Nai Maromak ne’ebé fó ita hotu, maun aman ida ne’ebé di’ak hodi bele aijuda no fasilita buat barak”haktuir Pé José.

Partesipa iha bensaun ba kareta ne’e Magnifiku Reitór, Dr. Adolmando Soares Amaral, Lic. Eco., MM ho Estrutura tomak, nomós Amu Kapelaun José Tacae.