SERIMONIA ASINA NOTA ENTENDIMENTE ENTRE UNPAZ HO PLAN INTERNASIONAL TL

SERIMÓNIA ASINA NOTA ENTENDIMENTE ENTRE UNPAZ HO PLAN INTERNASIONAL TL

Dili-Universidade da Paz (UNPAZ), liuhusi Fakuldade Siénsia Sosiais Humaniora hala’o serimónia asina nota entendimente entre UNPAZ ho Plan Internasionala Timor-Leste, hodi“Harii Parseira Di’ak Atu Promove Kualidade Rekursu Umanu hodi Kontribui ba Dezenvolvimentu Nasional, iha Aula Prof.Dr. Lucas da Costa (25/02).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, ita hotu presija duni apoiu husi organizasaun internasional sira nomós organizasaun nasional sira ne’ebé mak iha, hanesan universidade privadu iha Timor-Leste, hakarak servisu hamutuk ho organizasaun internasional sira tanba bele iha oportunidade para atu fó kontribuisaun ba rai ida ne’e no povu ida ne’e.

“Rai ida ne’e ita hakarak dezenvolvimentu la’o iha aspeitu hotu-hotu ba povu ida ne’e mak, ita hakarak husi atividade sira hotu-hotu ne’ebé ita halo atu lori povu ne’e ba moris di’ak” subliña Reitór.

Agradese ba Plan Internasional Timor-Leste, ne’ebé bele desidi hodi servisu hamutuk ho UNPAZ, ohin ita sai parseiru, aban bairua ita sai parseiru iha programa oi-oin, ita bele tulun malu no asegura polítika Plan nian nomós Universidade nian, ho rekursu ne’ebé ituan ami bele asegura ita bo’ot sira nia programa, kualker saida mak ita bo’ot sira halo, bele fó biban ami para depois ami bele aijuda hamutuk atu asegura programa sira ne’e.

Iha parte seluk, Diretora Plan Internasional Timor-Leste, Sra. Dillyana Ximenes, orgullu tebes ita bele kolobora hamutuk, tanba ami hatene UNPAZ mós fó kontribuisaun masimu lo’os, hodi bele kuda no haburas inpodéra ita nia foin’ sa’e sira feto no mane.

“Ho kbi’it ne’ebé ami iha, ami sei iha Uiversidade da Paz nia sorin, ita hamutuk para koko atu halo transformasaun balun husi asaun sira ne’ebé iha no programa sira, ita bele hamutuk atu muda ita nia estudante sira nia hanoin kona-ba dezenvolvimentu”, Sra. Dillyana.

Aliende ne’e, Vice Reitor Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. Afirma ohin ita mós halo asina nota entendimentu ida ho Plan Internasional, hanesan ajensia internasional ida ne’ebé nia papel importante lo’os sira halo programa barak iha Timor-Leste, liu-liu asuntu komunitaria nian.

“Ita halo koperasaun ho Plan, atu nune’e programa sira ne’e bele implementa hamutuk iha área rurais sira, inklui mós peskiza balu iha tempu mai sei implementa, ita mós fó tempu ba sira atu halo sosializasaun informasaun iha UNPAZ liu-liu estudante sira Fakulkdade CSH, husi koperasaun ne’e bele fó benefisiu ba estudante nomós referensia di’ak ida ba iha futuru”,tenik Nia.

Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic. Eco.,MM. ho Estrutura Tomak kompostu husi Dekanu Fakuldade 6, Xefe Departamentu no Programa estudu Mestradu, Vice Reitor sira hotu, Pro-Reitor sira no Direktor Unidade sira, Diretora Plan Internasional Timor-Leste, Sra. Dillyana Ximenes ho Ekipa.