SERIMONIA ABERTURA PROGRAMA EDUKASAUN SIVIKA BA ESTUDANTE NIVEL UNIVERSITARIU

#UNPAZ# 27 SETEMBRU 2021

SERIMONIA ABERTURA PROGRAMA EDUKASAUN SIVIKA BA ESTUDANTE NIVEL UNIVERSITARIU

Dili-Universidade da Paz (UNPAZ), liuhusi Instituisaun Polisia Nasional Timor-Leste, ne’ebé servisu hamutuk ho universidade, hala’o serimonia abertura ba programa edukasaun sivika ba estudante nivel universitariu sanulu (10), ne’ebé existe iha dili, ho tema "Kultura Hadomi Vida " iha Aula Prof. Dr Lucas da Costa (27/09).

Magnifiku Reitór,Universidade da Paz, Dr. Adolmando Soares Amaral, Lic, Eco. MM, hateten sira ne’ebé hetan ona formasaun, ami hatama kedan iha kurikulum liu-liu ba estájiu profisionál no estájiu sosiais, sira bele fahe tutan informasaun ba komunidade.

"Kultura Hadomi Vida" benefisiu ba ita hotu ne’ebé moris iha nasaun ida ne’e, tanba polisia sira mai ho konseitu ida inovativu, ne’ebé ita bele ajuda sira fahe tutan informasaun para ema hotu-hotu bele asesu informasaun, iha futuru ema hotu iha konsiensia para hadomi vida rasik",tenik Reitór.

Exelensia Reprezentante Komandante Jeral PNTL, Superientendente Xefe Pedro Belo, Lic. Dir. hatutan "Kultura Hadomi Vida" tanba liuhusi estudu no data sira ne’ebé iha ita hamosu programa ne’e, ita hotu hatene katak tinan-tinan ema ne’ebé lakon nia vida sosiedade sivil, komunidade, intelektual.

“Kaju asidente ema mate a’as tebes, maioria minoridade sira ne’ebé idade produtivu lakon nia vida iha asidente, kultura vida importante tebes ba ita ida-idak, ita hotu promove kultura hadomi vida ba ema hotu-hotu, ita nia a’an rasik ita nia familia no seluk tán, atu ema hotu bele hadomi vida“,haktuir Superientendente.

Partesipa iha atividade refere, Magnifiku Reitór,Universidade da Paz, Dr. Adolmando Soares Amaral, Lic, Eco. MM, ho estrutura, Proreitores, Dekanu, Diretores, Xefe unidade, Dosente, Exelensia Reprezentante Komandante Jeral PNTL, Superientendente Xefe Pedro Belo, Lic. Dir. Ho ekipa, estudante husi instituisaun sira, UNTL, UNITAL, DIT, IOB, INSTITUTO DE CRISTAL, ISFIT, ICR, IPDC, UNPAZ.