SERIMONIA ABERTURA FORMASAUN BA ESTUDANTE FOUN IHA CNPF-BECORA

SERIMÓNIA ABERTURA FORMASAUN BA ESTUDANTE FOUN IHA CNPF-BECORA

Dili-Universidade da Paz (UNPAZ) nia Dekanu Fakuldade Enjeñaria Sr. Jose Manuel Maniquin, AP.,Lic.Eng.,M.Eng. akompaña husi Xefe Departamentu Indústria, partisipa iha Abertura Kursu Foun Certificadu Nivel III Tinan Akadémiku 2023 ba Estudante sira, iha Centru Nasional Formasaun Profesional Becora (27/04).

Diretor CNFP-Becora, Sr. Fernando Carvalho de Araújo, hateten agradese wi’in ba maromak bele halibur ita hamutuk iha fatin ida ne’e hodi tau ita nia hanoin no planu, oinsa kapasita ita nia estudante sira hotu ne’ebé hola parte iha ne’e. Agradese ba formadór sira ne’ebé prepara ona fatin hodi fó formasaun ba ita nia estudante sira.

“Agradese ba universidade da paz, liu-liu fakuldade enjeñaria ne’ebé bele fó oportunidade di’ak ida ba centru formasaun becora hodi bele lori estudante lubuk ida mai iha fatin ida ne’e hodi hala’o formasaun, tanba ne’e agradese mós ba estudante sira ho imi nia vontade ne’ebé makas tebes, la’os aprende de’it iha universidade , maibe bele apriende mós husi formasaun sira seluk, nune’e bele hasa’e ita bo’ot sira nia koñesimentu no abilidade ba partisipasaun dezenvolvimentu nasional iha futuru”,katak Nia.

Iha fatin hanesan, Dekanu Fakuldade Enjeñaria, Sr. Jose Manuel Maniquin, AP.,Lic.Eng.,M.Eng. katak enome senadu universidade da paz hakarak, agradese ba centru formasaun becora bele fó fatin hodi fasilita estudante sira hodi partisipa iha trenamentu, liu-liu liga ho sira nia área ne’ebé mak iha, tanba fakuldade enjeñaria iha departamentu tolu, enjeñaria sivil, arkitetura no indústria.

“Estudante sira tenki aproveita tempu ida ne’e atu apriende ho di’ak, tanba fasilidade ne’ebé centru formasaun ne’e iha, la ses mós husi fasilidade sira ne’ebé mak foin ,dadauk ekipa ba vizita iha Indonesia, ho ida ne’e husu ba estudante sira nafatin hatudu disiplina ba iha formadór sira, nune’e imi sai husi fatin ida ne’e, pelumenus lori netik buat ruma ba aban bairua, imi finaliza estudu iha UNPAZ liu-liu iha fakuldade enjeñaria imi iha ona abilidade no koñesimentu”,dehan Maniquin.

Diretora INDMO, Sra. Isabel Fernandes de Lima, hateten kontente tebes ha’u haree UNPAZ halo akordu sira ho centru formasaun nasional sira no ministériu sira ne’ebé mak iha, ida ne’e parte importante tebes, tanba kestaun ba fasilidade sira, tanba mundu ohin loron ne’e la’os fiar de’it mak koñesimentu, tanba ne’e koñessimentu ha’u fira imi estuda iha aula durante ne’e ba teoria sira, maibe mundu ida ohin loron ne’e presiza imi nia abilidade no atitude, tanba ne’e buat ida ne’ebé la iha rezerva mak prontu duni atu kompete.

“Agradese ba UNPAZ ne’ebé hala’o servisu hamutuk ho instituisaun sira, hodi bele kapasita estudante sira nia koñesimentu no abilidade iha mundu ohin loron nian, ho ida ne’e atividade ida ne’e importante ba estudante sira atu bele aprende ho ho di’ka, nune’e bele kompete iha merkadu”,tenik Diretora Indmo.

Entretantu iha abertura ne’e, Partisipa husi, Diretor CNFP-Becora, Sr. Fernando Carvalho de Araújo, ho Estrutura tomak, Diretora INDMO, Sra. Isabel Fernandes de Lima, Dekanu Fakuldade Enjeñaria, Sr. Jose Manuel Maniquin, AP.,Lic.Eng.,M.Eng. Formador sira, nomós formandu sira.