SENANDU ESTUDANTIL FCSH ORGANIZA DISKUSAUN ENTRE FAKULDADE 6 IHA UNPAZ

SENANDU ESTUDANTIL FCSH ORGANIZA DISKUSAUN ENTRE FAKULDADE 6 IHA UNPAZ

Dili-Universidade da Paz (UNPAZ) Liuhusi Senandu estudantil Fakuldade Siensia Sosiais Humanan, organiza atividade diskusaun entre estudante fakuldade 6 ne'ebé eziste iha UNPAZ, ho tama Geral "Prespetiva Akadémika Hodi Haree Ba Adezaun Timor-Leste Ba Iha Organizasaun WTO (World Trade Organization) Objetivu husi diskusaun ida ne’e, atu rona prespetiva husi kada fakuldade nia hanoin kona-ba tema refere, oinsa bele eleva estudante sira-nia hanoin sai kritiku, iha Salaun José Casimiro (18/03).

Xefe Departamentu Relasaun Internasional, Sr. João Françisco Maia, Lic. CSH.,M.DS, ne’ebé reprezenta Vise Dekanu Estudantil FCSH, apresia tebes ba estrutura senadu estudantil hotu-hotu espesialmente ba FCSH, ne’ebé mai ho inisiativa di’ak, hodi bele organiza atividade diskusaun ne’ebé importante tebes, husi diskusaun ne’e bele esplora ideias esplora prespetiva ne’ebé diferente husi fakuldade hotu-hotu ne’ebé mai ho diferente ideia mai ho diferente prespetiva no opiniaun kona-ba asuntu organizasaun ou Timor-Leste nia adezaun WTO.

“Husi diskusaun ida ne’e mós ita bo’ot sira bele hetan ideia foun atu dezenvolve di’ak liu tan ita bo’ot sira-nia koñesimentu ligadu ho asuntu ne’ebé ita boot sira deskuti, maibe iha parte ida mós diskusaun ne’e atu fahe ita bo’ot sira-nia koñesimentu ba kolega sira seluk, husu nafatin ba imi atu ativu iha diskusaun mesmu ita la bele rezolve buat balu, maibe pelu menus mai ho ideia ruma, nune’e bele sai referensia ba desizaun ne’ebé mak sei toma husi ita nia lider sira”,tenik.

Entretantu atividade diskusaun ne’e, loke abertura husi Xefe Departamentu Relasaun Internasional, Sr. João Françisco Maia, Lic. CSH.,M.DS. no akompaña husi estudante fakuldade 6 ne’ebé eziste iha Universidade da Paz.