SENADU UNIVERSIDADE KONVOKA RENIAUN

SENADU UNIVERSIDADE KONVOKA RENIAUN

Dili-Universidade da Paz (UNPAZ),liu-husi Senadu Universidade hamutuk ho estrutura sira husi Fakuldade Ciénsia Sosiais Humana, Fakuldade Direitu, Fakuldade Enjenaria, nó Fakuldade Saúde Publika, hala’o reniaun iha Gabinete Reitóradu, 24/01/23.

Magnifiku Reitór, Universidade da Paz, Dr. Adolmando Soares Amaral, Lic, Eco. MM. Hateten ohin reniaun Senadu Universidade kona-ba hanoin ita atu hamosu tan Departamentu foun maibe Departamentu foun sira ne’e antes ne’e ita prepara tia ona, hanesan Departamentu Informajen ne’ebe sei tutela iha Fakuldade Saúde Públika, nomós ita hamosu tan departamentu tolu (3) husi nivel Mestradu nian, husi Fakuldade Enjeñaria maka hanesan departamentu Arkitetura Industria nó Kontrusaun Civil, ne’e iha nivel Mestradu nian.

Nomos iha tan programa rua tan maka, programa doutoramentu, ba adminitrasaun Públika nó programa doutoramentu ba Ciénsia de Direitu nian,

"Programa estudu ne’en (6) ne'ebe maka ita sei hamosu iha tinan ida ne’e, Informajen ba nivel lisensiatura nian ne’ebé maka tutela iha Fakuldade Saúde Públika, nó programa Mestradu maka ita sei hamosu iha Fakuldade Enjeñaria maka hanesan Arkitetura, Industria nó Civil, ne’e iha nivel Mestradu nian, nomós iha doutoramentu maka ita konsentra ba loke uluk doutoramentu iha área Ciénsiea de direitu, nó administrasaun públika",dehan Reitór UNPAZ.

Nia hatutan, ho nune'e maka ohin ita hala'o reniaun ita bolu dekanu sira hodi deskute hamutuk, nune'e dekanu sira bele halo aporsimasaun ho ita nia parseru sira ne’ebé maka duratnte ne’e, ita halo kooperasaun ho rai liur, para atu husu sira nia apoiu iha prosesu aprendisajen ba tinan ida ne’e.