#UNPAZ# 03 DEZEMBRU 2021
SENADU UNIVERSIDADE KOMVOKA REUNIAUN BA PREPARASAUN GRADUASAUN
Dili-Universidade da Paz (UNPAZ) liuhusi Senadu Universidade komvoka reuniaun ida hodi ko’alia kona-ba ajenda importante haat (4) ne’ebé sei prepara husi Komisaun sira, iha Prof. Dr. Lucas da Costa, SE.,MSi. (03/12).
Magnifiku Reitór, Dr. Adolmando Soares Amaral, Lic, Eco. MM. Hateten ajenda ba reuniaun loraik ida ne’e, primeiru sei estabele komisaun ida preparasaun ba Graduasaun iha tinan ida ne’e, no ajenda segundu ko’alia kona-ba seminariu nasionál ida ne’ebé sei hala’o iha dia 10 de Dezembru, no ajenda terseiru komfirma ho exelensia Sr. Dekanu sira kona-ba kalendariu Judisium kada Fakuldade sira, ajenda da haat nian ita sei sei halo selesaun ba dosente sira ba kontinua estudu Doutoramentu iha tinan ida ne’e.
Partisipa iha reuniaun ne’e, Magnifiku Reitór, Dr. Adolmando Soares Amaral, Lic, Eco. MM. Ho Estrutura tomak kompostu husi Pro Reitor sira, Dekanu Fakuldade Neen, Xefe Departamentu sira, Diretór/a Unidade sira, Dosente, inklui Funsionariu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
