SENADU UNIVERSIDADE DESIDE ONA 18 SEI DESLOKA ESTUDANTE SIRA BA RAEOA

SENADU UNIVERSIDADE DESIDE ONA 18 SEI DESLOKA ESTUDANTE SIRA BA RAEOA

Dili-Universidade da Paz (UNPAZ) Liuhusi Senadu Universidade ne'ebé lídera husi Magnífiku Reitór, Dr. Adolmando Soares Amaral, Lic. Eco.,MM. Kontinua hala'o reuniaun ho estrutura sira, hodi deside data final 18 de Fevereiru 2024, deslokasaun estudante semester V, ne'ebé kompostu husi Fakuldade neen ba Raeoa, hodi hala'o Pratika Aprendizajen Kampu (PAK) durante semester ida nian. Iha Aula Prof. Dr. Lucas da Costa (06/02).

Mag. Reitór hateten, prátika atividade kampu (PAK) labele ses husi buat haat, Primeiru tenki ba halo inventarizasaun. Segundu fila fali mai tenki halo diskusaun.Terseiru tun fali ba fó solusaun. Kuartu tenki iha tarjeitu/Objetivu ne'ebé mak klaru.

Nia dehan, dia 15-17 sei halo pembekalan ba estudante sira, no dia 18 desloka hotu estudante sira ba Raeoa, no dia 19 sei halo preparasaun ba semináriu nasionál iha dia 20, ne'ebé oradór Prezidente Autoridade Raeoa no Prof. Nelson. Inklui abertura mós atividade PAK.

Aliende husi diskusaun ba Deslokasaun estudante sira ba Raeoa, ajenda seluk mós Prezidente Komisaun Organizadora ba Komemorasaun Aniversariu Dias Natalis Universidade da Paz ba dala XX iha loron 09 Fulan Marsu Tinan Akadémiku 2024, Vise Reitór Asuntu Kooperasaun Interna no Externa, Sr. Luis Pereira Cardoso, Dip, Cs.,Lic. CSH.,MA.,Mcs. Aprezenta Seksaun sira ne'ebé responsabilidade ba atividade Dias natalis nomós programa sira ne'ebé atu hala'o hodi komemora ezistensia Universidade da Paz ba tinan ida ne'e.

Partisipa iha reuniaun ne'e, Magnífiku Reitór, Dr. Adolmando Soares Amaral, Lic. Eco.,MM. Vise Reitores sira, Dekanu Fakuldade neen, ho estrutura, Pro-Reitor, Diretor Unidade sira, inklui Komisaun prinsipál ba Komemorasaun Aniversariu Universidade da Paz.