SENADU FAKULDADE ENJEÑARIA HALO PALESTRA BA ESTUDANTE FOUN SIRA
Dili-Universidade da Paz (UNPAZ) liuhusi Senadu Fakuldade Enjeñaria hala’o palestra ba estudante foun tinan akadémiku 2024, hodi aprezenta existensia fakuldade nomós esplika lala’ok fakuldade nian ba estudante sira husi fakuldade enjeñaria nian, iha Salaun José Casimiro (28/02).
Dekanu Fakuldade Enjeñaria, Sr. José Manuel Maniquin, AP, Lic. Eng.M.,Eng. hateten Senadu Fakuldade Enjeñaria, sente kontente no orgullu ba estudante sira hotu ne'ebé hili UNPAZ, liu-liu ba iha fakuldade Enjeñaria ba programa estudu tolu, Indústria, Arkitetura no Enjeñaria Sivil, tanba ne’e orgullu ba imi hotu ne’ebé deside ona UNPAZ hodi apriende, imi ne’ebé hili fakuldade enjeñaria mós hili lasala, tanba programa estudu tolu iha fakuldsade enjeñaria, hetan ona akreditasaun husi ANAAA, hetan valor pozitivu tebes (B).
“Fakuldade enjeñaria mós halo ona inovasaun hanesan, departamentu indústria bele produs makina oi-oin, makina bele dulas kafe fuan ba kafe ut, nomós kafe ut bele sai ba ita hemu rasik, estudante sira mós bele halo inovasaun ba lampu, wainhira iha uma ita haluha taka lampu, ita bele taka liuhusi telfone, ida ne’e fakuldade enjeñaria departamentu indústria mak bele halo, fakuldade seluk labele halo ida ne’e, inklui universidade sira seluk”,dehan Dekanu Fakuldade Enjeñaria.
Dekanu mós husu ba estudante sira atu fokus atu apriende, nune’e tinan haat sai huis UNPAZ bele lori buat ruma ba iha sosiedade, labele halo buat sira ne’ebé la fó benefisiu ba ita nia prosesu hotu, tanba ne’e nafatin husu ba imi fatin ida ne’e atu apriende la’’os fatin atu tuku malu, tanba ne’e ha’u fiar ita nia hamutuk iha familia Universidade da Paz, bele apriende ho di’ak, tanba apriende ne’e laiha limitasaun.
Entretantu partisipa iha eventu ne'e, Dekanu Fakuldade Enjeñaria, Sr. José Manuel Maniquin, AP, Lic. Eng.M.,Eng. ho Estrutura Fakuldade nian, Dosente, Funsionariu, Komisaun sira inklui Sivitas Akadémiku Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
