SENADU FAKULDADE DIREITU HUSU ESTUDANTE SIRA LABELE TAUK JUSTISA, TANBA FAKULDADE DIREITU GARANTE JU

SENADU FAKULDADE DIREITU HUSU ESTUDANTE SIRA LABELE TAUK JUSTISA, TANBA FAKULDADE DIREITU GARANTE JUSTISA IHA TL

Dili-Universidade da Paz (UNPAZ) liuhusi estrutura senadu Fakuldade Direiru hala’o palestra ba estudante sira kona-ba existesia fakuldade direitu nomós esplika lala’ok fakuldade nian, iha Salaun José Casimiro (28/02).

Dekanu Fakuldade Direitu, Dr. Leonito Reibeiro, SH.,MH. hateten, fakuldade direitu hahú husi ninia ezisténsia to’o mai agora ita prodús ona alumi sira hamutuk 2.700 ne’ebé agora kobre hotu justisa iha Timor-laran, liu-liu Tribunál sira ne’ebé kobre iha munisipiu no Timor-laran ema sira ne’ebé servisu iha laran ne’e mesak ita-nia alumi hotu de’it, jurista sira iha timor ne’e mesak alumi husi Unpaz liu-liu husi ita nia fakuldade direitu rasik tan ne’e justisa iha imi nia liman.

“Progresu fakuldade Direitu iha UNPAZ kada tinan sempre aumenta, tanba hamlaha ba justisa, tanba ita nia dosenstes sira iha Direitu mesak maestradu de’it, tan ne’e keta tauk atu garante justisa iha Timor. Ita-nia atendimentu administrasaun mós avansadu no fasilidade biblioteka, klinika de Direitu iha hotu ona no ita mós iha matéria ida hanaran simulasaun tan ne’e labele tauk, tanbá prátika kona-ba tribunal nian ita domina hotu ona. Ita mós halo akordu no halo parseria ho instituisaun sira seluk liu-liu iha nasionál no internasionál sira, tan ne’e ba Justisa Tribunal iha Timor-Leste ita garante”,dehan Dekanu.

Entretantu partisipa iha eventu ne'e, Dekanu Fakuldade Direitu, Dr. Leonito Reibeiro, SH.,MH. ho Estrutura Fakuldade nian, Dosente, Funsionariu, Komisaun sira inklui Sivitas Akadémiku Universidade da Paz.