SENADU ESTUDANTIL HO ESTRUTURA REALIZA DSKUSAUN SEMANAL

SENADU ESTUDANTIL HO ESTRUTURA REALIZA DSKUSAUN SEMANAL

Dili-Universidade da Paz (UNPAZ) liuhusi Senadu Estudantil hamutuk ho estrutura realiza diskusaun semanal, hodi hasa’e koñesimentu estudante sira nian iha nivel akadémiku, iha Salaun Jose Kasimiru (31/05).

Senadu Estudantil Efrem Mariz Pinto, hateten ita realiza diskusaun ida ne’e, oinsa haburas demokrasia, tanba ita lakoi estudante sira nafatin hamate demokrasia, ho ida ne’e mak ita halo diskusaun hamutuk, hodi foti desizaun sai hanesan programa annual.

“Ita realiza programa ida ne’e, oinsa estudante hotu-hotu bele hola parte atu dezenvolve literasia iha asuntu ko’alia no hakerek, ho ida ne’e material ne’ebé aprezenta husi kolega sira, ha’u fiar katak ida deskute sei hetan nia subtansia, oinsa bele transforma ita nia an nomós ba sosiedade”,dehan Senadu Estudantil Efrem.

Nia hatutan, materia ida ne’e sei aprezenta husi ita nia oradór sira, oinsa ita hotu bele diskute para hetan nia kauza prinsipal, liu-liu iha asuntu ne’ebé mak sei aprzenta ba ita hotu.

Entretantu iha diskusaun ne’e, oradór prinsipal na’in rua mak hanesan, Donato Jeremias, ho nia Topiku “Luta Alternativu Ba Humanidade Ekolojia”, Ella Variana ho nia Topiku “Liberta Feto Huis opresaun Sistema Patriakal”, modera husi Florinda Viana.

Partisipa iha diskusaun ne’e, Senadu estudantil ho estrutura, Sivitas Akadémiku Universidade da Paz.