SENADU ESTUDANTIL GERAL ORGANIZA SEMINARIU NASIONAL

SENADU ESTUDANTIL GERAL ORGANIZA SEMINARIU NASIONAL

Dili-Universidade da Paz (UNPAZ) Liuhusi Senadu Estudantil Geral Organiza Semináriu Nasionál ho Tema “Progresu no Dezafiu Husi Dominiu Ekonomia China Iha Mundu Inklui Timor-Leste,” Oradór princípal husi Embaixadór Timor-Leste ba China, Sr. Maubere Lorosa'e da Silva Horta. iha Salaun José Kasimiru (10/10/24).

Iha biban ne’e, Embaixador Timor-Leste ba China, Sr. Maubere Lorosae da Silva Horta Esplika, nu'udar embaixador Timor-Leste ba Cinha sempre buka oportunidade atu ko'alia ho estudantes universitáriu sira kona-bá Cinha nia envolvimentu no relasões diplomata Cinha iha Timor-Leste.

“Ha’u hanesan embaixador iha Timor-Leste ba China, ha’u sempre buka oportunidade atu ko’alia ho estudante universitáriu no povu timor, tanbá governu no povu selu ha’u nia saláriu, ho ida ne’e povu timor iha direitu atu hatene informasaun kona-ba situasaun China ba dezenvolvimentu relasõens diplomata nian. Objetivu Importante mak atu partilla informasaun kona-ba servisu embaixador Timor-Leste ba China nian, estudantes no povu sira iha direitu atu hatene informasaun ne'e,”dehan Sr. Maubere Horta.

Nia esklarese, ekonomia Timor-Leste garante 90% ba iha mina, maibe keta iha futuru mina mós bele maran, tanbá ne’e tenki iha solusaun rua ne’ebé importante mak governu tenki halo polítika investe iha agrikultura no segundu iha turismu nian.

Iha fatin hanesan, Vise Reitór Asuntu Kooperasaun Interna no Externa, Sr. Luis Pereira Cardoso, Lic. CSH. MA.,Mcs. ne’ebé reprezenta Magnífiku Reitór, hato’o agradese ba oradór hanesan embaixador Timor-Leste ba China, ne’ebé bele mai partilla informasaun ba estudante sira kona-bá prezénsa Cinha nian iha Timor-Leste. No importante ba estudantes sira hodi husu barak liu iha momentu ne'e, tanbá hahú husi bilaterál akontese, prezénsa negosiante China iha Timor, komesa domina sikun kapitál Dili laran tomak to’o ba iha Munisípiu nomós postu sira.

Entretantu iha seminariu nasional ne’e, loke abertura husi: Vise Reitór Asuntu Kooperasaun Interna no Externa, Sr. Luis Pereira Cardoso, Lic. CSH. MA.,Mcs. ne’ebé reprezenta Magnífiku Reitór no akompaña husi Dosente sira, Senadu Estudantil ho estrutura nomós Estudante svitas akadémiku Universidade da Paz.