SENADU ESTUDANTIL FTA SERVISU HAMUTUK HO SOA REALIZA SEMINAR

SENADU ESTUDANTIL FTA SERVISU HAMUTUK HO SOA REALIZA SEMINAR

Dili-Universidade da Paz (UNPAZ) liuhusi senadu estudantil fakuldade teknologia agrikola servisu hamutuk ho SOA realiza seminariu ho Tema Impaktu husi Minerasaun iha Tasi Kle’an ba Biodiversidade no Umanu, iha Salaun José Casimiro Unpaz (14/11/24).

Dekanu FTA, Eng. Jonio dos Santos, Lic.Agr.,M.Agr, Apresia ba parte hotu nia kolaborasaun no partisipasaun liu-liu ba Senadu estudantil ho nia estrutura sira ho nia esforsu tomak hodi bele realiza aktividade ida ne’e, no aktividade ida ne’e importante tebes no relevante tebes ba ita nia departamentu liu-liu konservasaun rekursu naturais, no sei hakle’an liu tan husi aprezentador sira liu husi aktividade ida ne’e bele fo motivasaun maka’as ba imi tanba ita estuda la’os atu hatene lee no hakerek de’it, maibé estuda atu hatene buat hotu-hotu iha internal no external. Ita presiza atribui ita nia matenek ne’e liu husi ema seluk nia matenek ne’ebé oferese liu husi aktividade sira hanesan ne’e, no ida ne’e importantes tebes bele fo biban ba imi hotu hodi absorve siensia no konesimentu, no balu hetan liu husi teknologia ida ne’e importente tebes ba estudante akademíku.

Nia hatutan tan ohin ne’e ko’alia foka liu ba biodiversidade maritima, no biodiversidade terestre no ita mos ko’alia ona iha materia sira ne’ebé imi simu ona, maibé sira ohin mai aprezenta ba imi liu-liu biodiversidade maritima tanba ne’e ba imi hotu tau atensaun hodi rona saida mak orsida sei aprezenta ba imi hodi aumenta imi nia koñesimentu no kapasidade hodi lori ba iha sosiedade.

Representa kordenador SOA Dilo Da Costa, hateten agradese ba dekanu ho senadu estudantil FTA ho Universidade ne’ebé fo oportunidade mai SOA, no SOA ne’e la’os NGO maibé agora dadaun ami registu ona iha internasional ne’ebé nia lokalisa iha USA, depois ohin loron ami ekipa sira representa SOA mai iha ne’e ho inisiativa ida katak atu haforsa estudante ka komunidadae sira atu hala’o aksaun ne’ebé mak kolektivu atu nune’e ita hotu-hotu hamutuk ita foti aksaun ida atu defende ita nia ambiente, ita nia tasi no ita nia biodiversidade sira.

Iha fatin hanesan Senadu estudantil FTA hateten, aktividade ida ne’e primeira vez organiza iha universidade da paz fakuldade teknologia agrikola liu husi senadu estudantil ho tema impaktu husi minerasaun iha tasi kle’an ba biodiversidade no umanu, aktividade ida ne’e organiza oinsa atu motiva nafatin juventude sira hotu atu konserva no proteje ita nia biodiversidade iha tasi laran. Tanba ita kompara ita nia biodiversidade iha Timor aas liu kompara ho Nasaun sira seluk tanba ne’e liu husi aktividade ida ne’e atu motiva nafatin ita oinsa atu kuidadu no proteje nafatin ita nia biodiveresidade iha ita nia rai laran.