SENADU ESTUDANTIL FCSH ORGANIZA TALK SHOW IHA UNPAZ
Dili-Universidade da Paz (UNPAZ) liuhusi Senadu Estudantil Fakukdade Siensia Sosiais Humana, organiza talk show ho tema geral “Kostrusaun Estadu RDTL Hahu Husi Ne'ebé No To'o Ne'ebé Ona, Hodi Fó Esperansa Ba Povu Timor-Leste”, objetivu husi eventu ne’e, oinsa atu halo reflesaun loron 30 de Augustu ba loron Konsulta Popular, Iha Salaun José Kasimiru (23/09/24).
Dekanu FCSH, Dr. Fernando Dias Gusmão, A. Md.,S.IP.,M. AP. Hato’o agradese ba studante sira husi universidade iha dili laran bele mai hola parte iha diskusaun ka talk show ida ne’e, tanba ne’e parabens mós ba senadu estudantil FCSH-UNPAZ bele organiza atividade ida ne’e, maske ho limitasaun bar-barak, maibe lahamate imi nia espiritu hodi realiza talk show ida ne’ebé atu leno ita nia dalan komesa husi tinan 25 ba kotuk kuandu ita halo referindu ba ita nia rain.
“Tema ida ne’e importante tebes atu bele fanun ita bele haree lolo’os, tanba ita la’o hanesan estadu ida to’o ona iha ne’ebé no hahu husi ne’ebé no saida mak ita halo ona ba ita nia rai. Hanesan ema akadémiku no iha oportunidade estuda buka matenek, maibe iha sorin seluk ita lembra matenek bo’ot ida hateten mós katak, matenek siensia ne’ebé ita bo’ot hetan, maibe se laiha asaun ruma ne’e saugati de’it/folin laiha”,dehan Dekanu FCSH.
Dekanu husu ba estudante nivel universitariu koko atu haree no hato’o tuir pensamentu kritiku no atu haree no hanoin kritiku katak, ita nia rai ohin loron ne’e oinsa ona, ita iha situasaun ne’ebé di’ak no kapas tuir ita hotu-hotu nia mehi ka seidauk. Lalika halo tuir ita nia lider sira ne’ebé mak hakarak hatun malu de’it, maibe la halo buat ruma, tenki tuir mak ida ne’ebé halo buat ne’ebé mak di’ak.
Entretantu iha eventu ne’e, oradór sira mak hanesan: Orador: I. Dosente husi UNITAL, Sr. Juvêncio dos Santos. Oradora II. Femenista, Sra. Gress Monteiro. Oradór III. Akadémista, Sr. Oscar Sanches. Nomós Panelista sira mak hanesan: 1.Sr. Miguel Monsil. 2. Sr. Benito Sanches Savio. 3. Sra. Angelina Ximenes Viana. 4.Sr. Efrem Mariz Pinto. Inklui Moderator: Sr. Caetano Silveira.
Partisipa iha atividade talk show ne’e, Estudante Universitariu sira mak hanesan: UNTL, UNITAL, DIT, ICS, CRISTAL nomós estudante sira husi universidade sira seluk inklui Estudante uma na’in husi Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
