SENADU ESTUDANTIL FAKULDADE DIREITU ORGANIZA ATIVIDADE TALK SHOW
Dili-Universidade da Paz (UNPAZ) liuhusi Senadu Estudantil Fakuldade Direitu, organiza atividade Talk Show ho tema geral “Prespektiva Akadémika Ba Sistema Demokrasia Iha Kontextu Timor-Leste”Iha Salaun José Kasimiru (03/02/25).
Vise Dekanu Asuntu Estudantil Fakuldade Direitu, Sr. Françsico A. da Silva, SH.MH.,Qia, hato’o agradese ba senadu ho estrutura tomak ne’ebé organiza atividade importante ida ne’e ba estudante sira ho tema ne’ebé interasante tebes, atu ema hotu bele deskute prespektiva akadémika ba sisitema demokrasia iha kontextu Timor-Leste nian.
“Ita organiza atividade ruma tenki iha nia objetivu, husi atividade ne’e nia objetivu mak oinsa atu halos faktu ruma ligadu ho tema ne’ebé mensiona, parte seluk atu konstroe opiniaun foun ruma ne’ebé liuhusi talk show ida ne’e, ikus mai bele hetan nia rejultadu”,dehan Vise Dekanu Asuntu Estudantil Fakuldade Direitu.
Nia hatutan hanesan estudante tenki buka tuir informasaun ne’ebé adekuadu ligadu ho faktu sira ne’ebé ita deskovre la’o lalos, ho ida ne’e husi talk show ida ne’e buka atu bele uniformiza ita nia hanoin atu sai ho hanoin ida de’it.
Iha fatin hanesan, Senadu Estudantil Fakuldade Direitu relata atividade ne’ebé ita organiza inisia husi senadu estudantil ho estrutura fakuldade direitu nian, maibe atividade ida ne’e lataka dalan ba estudante husi fakuldade seluk mós bele partisipa, tanba atividade talk show ida ne’e importante tebes ba estudante sira hotu iha Universidade da Paz.
“Atividade ne’ebé ohin husi senadu estudantil fakuldade direitu organiza laos para iha ne’e de’it, maibe ba oin sei nafatin organiza atividade hanesan ne’e ho asuntu ne’ebé mak diferente”,tenik Senadu Estudantil Fakuldade Direitu Universidade da Paz.
Entretantu atividade Talk Show ida ne’e, abertura husi Vise Dekanu Asuntu Estudantil Fakuldade Direitu, Sr. Françsico A. da Silva, SH.MH.,Qia, no partisipa husi Estdante sira iha Fakuldade neen ne’ebé eziste iha Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
