SENADU ESTUDANTE FCSH ORGANIZA ELEISAUN BA SENADU FOUN

SENADU ESTUDANTE FCSH ORGANIZA ELEISAUN BA SENADU FOUN

Dili-Universidade da Paz (UNPAZ) liuhusi Senadu Estudantil Fakuldade Siensia Sosiais Humana, organiza eleisaun ba senadu foun tinan akadémiku 2024-2025, ho objetivu atu re-eleitu fila fali senadu foun hodi responsabiliza atividade interna no externa nomós preokupasaun estudante nian, iha Salaun José Kaimiru (21/10/24).

Terseiru Vise Dekanu FCSH, Sr. Bernabe de Lima Araujo, Lic. CSH., M.AP (Kont S3), relata eleisaun ne’ebé hala’o kompostu husi estudante departamentu haat ne’ebé eziste iha FCSH, iha eleisaun ida ne’e, laiha ida mak lakon no laiha ida mak manan, maibe ida mak manan karik FCSH mak manan. Husu ba ita bo’ot sira hotu atu hili senadu estudantil FCSH nian, favor haree no koñese sira di’ak, nune’e bele lori ita bo’ot sira-nia aspirasaun ne’ebé ita bo’ot sira hasoru iha prosesu aprendizajen nian.

“Husi liafuan kolaborasaun no komunikasaun ita bele buka solusaun ba atividade saida de’it no problema saida de’it, nune’e bele rezolve iha prosesu aprendizajen nian, tanba ne’e, husu ba senadu sira atividade ne’ebé mak hala’o tenki iha relatoriu, nune’e imi nia mandatu remata ita bele hatene atividade ne’ebé mak halo no ida ne’ebé mak seidauk halo, nune’e senadu foun bele kontinua hala’o ida ne’ebe seidauk realiza”,dehan Tersieu Vise Dekanu FCSH .

Iha fatin hanesan, Senadu Estudantil FCSH Agustinho Mendonça esplika, senadu estudantil hanesan orgaun nukleo ezekutivu ida ne’ebé tutela iha terseiru vise dekanu nia okos, hodi bele kria atividade estra sira iha kampus, tanba ne’e, agradese ba kandidatu sira hotu ne’ebé ho inisiativa no vontade hakarak kandidatu an ba sai nu’udar líderansa no liman ain ba estudante iha FCSH.

“Maluk estudante sira-nia votus no konfiansa ne’ebé oferese ba imi ne’e, hanesan responsabilidade la’os oportunidade, tanba imi sai senadu estudantil sira mak hili imi, tanba ne’e, imi tenki reprezenta matan tilun no ibun hodi hato’o problema saida mak maluk estudante sira hasoru”,dehan Senadu.

Nia mós enkoraja estudante sira katak, hili senadu labele haree ba kor no ras, tanba imi nia votus mak sei determina imi nia atividade sira durante tinan ida, tanba ne’e, antes atu hili sira tenki haree didi’ak hafoin bele hili, tanba ne’e, manan ka lakon la sai kestaun ba ita, maibe importante mak ita tenki fó liman ba malu no unidade hodi sai forsa ida ba servisu hamutuk.

Entretantu iha evenetu ne’e, abertura husi Terseiru Vise Dekanu FCSH, Sr. Bernabe de Lima Araujo, Lic. CSH., M.AP (Kont S3). no akompaña husi estrutura Senadu Estudantil nomós estudante sira hotu husi FCSH-UNPAZ.