SEMINARIU RELATORIU FINAL SURVEI MERKADU BA PROSESAMENTU AILIA

#UNPAZ# 30 SETEMBRU 2021

SEMINARIU RELATORIU FINAL SURVEI MERKADU BA PROSESAMENTU AILIA

Dili-Universidade da Paz (UNPAZ) liuhusi koperasaun entre ADRA-TL ho UNPAZ ne’ebé servisu hamutuk hodi hala’o seminariu relatoriu final survei merkadu prosesamentu ailia, iha Aula Prof. Dr Lucas da Costa (30/09).

Pro Reitór Asuntu Akádemiku. Sr. Joaninho Xavier Hei, Lic.,CSH.,M.Ed. ne’ebé reprezenta Magnifiku Reitór UNPAZ, hateten servisu hamutuk entre ADRA ho UNPAZ, liu-liu iha área peskiza nian fó rezultadu di’ak ba ita nia povu tomak iha timor.

"UNPAZ nakloke ba iha públiku entre governu ajensia nasionál sira, atu bele kopera hamutuk iha área oi-oin edukasaun peskiza, ida ne’e hanesan komitmentu bo’ot, entre ADRA ho Fakuldade Teknolojia Agrikola halo, hanesan pasu ida importane lo’os",tenik Pro Reitor.

Contry Director ADRA, Sra. Virginha Pycroft, salinta ita nia koperasaun ADRA ho UNPAZ di’ak tebes, espera katak ita nia parseria ida ne’e bele dezenvolve di’ak liu tán husi prezente no ba futuru, hodi halo koperasaun ba iha merkadu hotu-hotu ne’ebé persiza iha timor-leste.

Reprezentante Ministerio Comersio Industria (MCI), Sr. Leonardo de Carvalho, nu’udar Diretór Nasionál Marketin (MCI), hatutan rezultadu peskiza ne’e bele sai hanesan referensia ida ba iha Ministeriu Turizmu Komersiu Industria, para oinsa alkansa polítika Ministeriu nian atu asesu ba iha merkadu.

"Ministeriu mós hakarak kongratula ekipa ne’ebé durante halo ona peskiza, universidade mós sai hanesan parseiru iha Ministeriu para oinsa alkansa di’ak liu polítika Ministeriu nian", dehan  Sr. Leonardo.

Reprezentante Embaixada Nova-Zelandya, Sr. Abrani Manuel, New Zealand Development Programme Coordinator, agradese tebes ba servisu ADRA-TL ho UNPAZ halo ne’e koperasaun ida ne’ebé di’ak tebes, koperasaun importante tebes atu kontinua bei-beik ba iha futuru, la’os importante ba ADRA ho UNPAZ de’it, maibe ba ita nia komunidade sira ne’ebé sai benefisiu, hanesan doadores ami suporta no agradese atu bele kontinua nafatin iha futuru.

Aliende ne’e, Dekanu Fakuldade Teknolojia Agrikola, Sr. Joni dos Santos, Lic. Tec.,Agr.,M.Agr, agradese ba universidade ho polítika reforma no kualidade ne’ebé hatur husi Magnifiku Reitór UNPAZ hamutuk ho Prezidente Fundasaun, bele fó biban ba Fakuldade sira hotu atu ho livremente buka nia parseiru, relevante ho estudu ne’ebé iha.

Agradese ba NGO ADRA ne’ebé bele depozita komfiansa mai iha UNPAZ, liuhusi Fakuldade Teknolojia Agrikola, lori Universidade Fakuldade no ADRA agradese ba doador husi Nova-Zelandya nian ne’ebé fó apoiu liuhusi atividade ida ne’e, ikus mai ami bele hola parte iha atividade refere hodi realiza peskiza hamutuk ho komunidade.

Partesipa iha atividade refere, Prezidente Fundasaun Neon Metin, Pro Reitór Asuntu Akádemiku. Sr. Joaninho Xavier Hei, Lic.,CSH.,M.Ed. ne’ebé reprezenta Magnifiku Reitór UNPAZ, Contry Director ADRA, Sra. Virginha Pycroft, ho ekipa, Reprezentante (MCI), Sr. Leonardo de Carvalho, ho ekipa, Reprezentante Embaixada Nova-Zelandya, Sr. Abrani Manuel, New Zealand Development Programme Coordinator, no Ajensia sira hotu, Dekanu Fakuldade neen, Diretores, Xefe Departamentu sira, Dosente, Funsionariu, inklui Estudante.