![SEMINARIU NASIONAL IHA UNIVERSIDADE DA PAZ (UNPAZ) KOMBATE HIV-SIDA TL](https://unpaz.tl/asset/foto_berita/127547547_392123262239632_4296963516473140530_o.jpg)
Dili 27 de Novembro 2020
DILI UNIVERSIDADE DA PAZ LIUHUSI KOMISAUN NASIONÁL KOMBATE HIV-SIDA TL, REALIZA SEMINARIU HO TEMA ESPESIFIKU RUA: ‘’SOLIDARIEDADE GLOBAL ITA HOTU NIA RESPONSABILIDADE NO HATENE O NIA ESTATUS HIV LIUHUSI TESTU RAN NO HAPARA LINA TRANSMISAUN’’IHA KAMPUS UNPAZ FOIN LALAIS NE’E (27/11/20.
Reprezenta Ministra Saude, Marta A. Dos Santos, hateten, tema Nasionál ne’ebé iha importante tebes ba iha selebrasaun loron munial HIV-SIDA nian, no importansia ba Estudante sira hodi tau importansia tanba ita Timor ho numeru moras HIV-SIDA ne’ebé aas.
‘’Tema ne’ebé iha mak tema importante ba ita atu selebra loron Mundial iha Munisipiu Suai, mak nu’udar selebrasaun loron Mundial iha Mundu tomak, tanba importante tebes ba maluk sira ne’ebé afetadu ba moras ida ne’e, liu-liu ba Timoroan ne’ebé afetadu ba moras ida ne’e ho numeru aas liu ne’ebé identifika hahu husi tinan 2003 to’o mai Setembru 2020 ne’ebé parte Saude rekolla, ho ida ne’e importante ba Estudante sira atu tau importansia ba informasaun sira ne’ebé hodi kapasita nafatin sira ba moras HIV-SIDA nian nune’e bele fahe tutan mós ba familia sira’’dehan Marta.
Iha parte seluk Ministra Solidariedade Sosial Inkluzaun, Sra, Armanda Berta klarifika, ohin loron 27 de Novembro 2020 momentu ida ne’ebé mak importante tebes ita bele halibur malu iha fatin ida ne’e hamotuk ho Civitas Akademika Universidade da paz, Governu iha seriedade atu alerta ba iha Públiku sira hotu liuhusi kampana no halo Sosializasaun kona-ba ameasa husi moras HIV-SIDA, kauza husi moras ida ne’e menus husi ita nia konesementu bele daeit ba ema hotu, moras ne’e la iha ai-moruk atu rekopera sai normal, di’ak liu mak ita prevene kedas ita nia aan.
‘’Moras ne’e akontese tanba, ransu livre, sexsu livre atividade prostituisaun no konsumu droga, sala uza Média sosial, tanba ne’e partilia informasaun ne’e importante tebes ba ita nia komunidade no estudante sira para evita moras HVI-SIDA’’, dehan Berta.
Magnifiku Reitor Universidade da paz, Dr. Adolmando Soares Amaral, Lic, Eco. MM, hateten, "Universidade da paz apoiu tomak kualker Politika Governu nian atu salva Povu ka ita hotu iha rai ida ne’e, importante tebes, tanba moras HIV-SIDA ida tinan barak Mundu tomak halerik ai-moruk la iha, informasaun sira ajuda iha situasaun Governu teknologia avansadu tebes ita nia moral komesa menus dadauk ona, tanba ita ladun tau konfiansa ba ita nia inan-aman sira nia lia menon", dehan Reitor.
Iha Seminariu ne’e partesipa husi Corpus Dosente, Funsionariu Estudante husi Fakulade, inklui husi Universidade sira seluk, iha Salaun José Casimeiro Universidade da paz.