SEMANA OIN ESTUDANTE SEMESTER I SEI HAHU AULA DAHULUK HO LIAN INGLES

SEMANA OIN ESTUDANTE SEMESTER I SEI HAHU AULA DAHULUK HO LIAN INGLES

Dili-15 Marsu 2025 Universidade da Paz (UNPAZ) Liuhusi Reitór Asuntu Akadémiku hamutuk ho Vise Dekanu asuntu akademiku husi Fakukdade Hitu, hala’o reuniaun ho ekipa AHHA Education ba preparasaun prosesu aprendizjen ba estudante semester I tinan akademiku 2025.

Vise Reitór Asuntu Akadémiku, Joaninho Xavier Hei, Lic. CSH, M.Ed.Ph.D. hateten ohin ita hamutuk ho AHHA hala'o enkontru, hodi ko'alia kona-ba prosesu aprendizajen ba estudante semester primeiru sira durante fuln tolu ne’ebé sei fokus ba materia tolu, Portuges, Ingles no Siénsia da Vida.

“Semana oin estudante semester primeiru reguler nomós extensaun sei hahu aula ho materia primeiru lian Ingles”,dehan Vise Reitór hafoin remata reuniaun ho ekipa AHHA Education iha Nia kna’ar fatin.

Nia mós husu ba estudnate semester primeiru ne’ebé kompostu husi fakuldade hitu, segunda hotu-hotu marka prejensa iha kampus UNPAZ, atu rona informasaun husi fakuldade no parseiru husi AHHA kona-bá metodu ensinu aprendizajen nian.

“AHHA prepara professor/a hamutuk atus rua (200) atu hanorin estudante semester primeiru iha UNPAZ, ligadu ho materia tolu Portuges,Ingles no siénsia da vida”,tenik Vise.

Vise kontinua enkoraja Estudante sira durante fulan tolu tenki partisipa aula ho masimu, nune'e bele hetan valor husi materia tolu ne’e ho di’ak, tanba ne’e komprimisiu husi AHHA, durante fulan tolu Estudante tenki hatene ko'alia lian Ingles, Portuges no siénsia ba vida Moris.