SAUP KONTINUA REALIZA FORMASAUN HODI DEZENVOLVE KURIKULUM IHA DEPARTAMENTU ESTUDU DA PAZ

SAUP KONTINUA REALIZA FORMASAUN HODI DEZENVOLVE KURIKULUM IHA DEPARTAMENTU ESTUDU DA PAZ

Dili-Universidade da Paz (UNPAZ) liuhusi Sadie A O' Mahoney (SAUP) kontinua realiza formasaun ba dosente sira iha UNPAZ liu-liu Fakuldade Siensia Sosiais Humana, hodi dezenvolve kurikulum ba departamentu estudu da Paz, atu bele hasoru akreditasaun, formasaun ne'e fasilita husi parseiru Cambodya, realzia iha Aula Mestradu UNPAZ (07/06).

Iha fatin hanesan, Sra. Juvita Pereira (SAUP-UNPAZ Curikulum Development Advisor) hateten formasaun ida ne’e, kontinuasaun husi dezenvolvimentu kurikulum iha UNPAZ liu-liu iha fakuldade ciensia sosiasi humana, departamentu estudu ba paz, tanba deparatamentu estudu ba paz nia kooperasaun ho SAUP ne’e durante tinan tolu ona, tanba ne’e ita iha kontinuasaun ba iha tinan barak mai tán, maka oinsa bele kapasita dosente sira iha UNPAZ, liu-liu hasa’e koñesimentu ba estudu da paz nian kona-ba materia sira ne’ebé relasaun ho rezoluasaun komflitu no dzenvolvimentu estudu ba paz ba oin, nune’e bele prepara ba prosesu akreitasaun nian.

Nia hatutan, huis preparasaun ba kurikulum ida ne’e mak ita nia parseiru sira husi SAUP iha Cambodia, Barburg, German, nomós Filipina, maka sira mai hamutuk SAUP-UNPAZ ha’u rasik ho Dr. Jose Cornelio atu fasilita kordenasaun ida ne'e ba kontinuasaun dezenvolve kurikulum ba departamentu estudu da paz.

“Huis programa ida ne’e mós sai hanesan rekursu humanu ba fakuldade, tanba husi programa ne’e mós produs ona estudu komparativu estudante sira ho dosente sira ba ona Geraman, ho ida ne’e semana oin dosente na’in haat mós sei aranka German ba halo estudu komparativu, ho ida ne’e kooperasaun ne’e di’ak tebes ho UNPAZ”,dehan Sra. Juvita Pereira.

Horas ne’e dadauk diskusaun barik liu, oinsa dosente sira bele involve atu halo kriasaun modul, dozenvolve silabus, nomós dosente hotu-hotu iha unifomidade, nune’e hotu-hotu bele iha modul no silabus ne’ebé mak hanesan, tanba ne’e agora komesa tama ona iha etapa ida analiza komflitu, atu nune’e materia sira ne’ebé mak ita bele halo analiza ho di’ak, no materia sira ne’e relasaun ho esrtudu da paz nian, bele iha kontekstu timor nomós rezional.

Entretantu formasaun ne’e, sei hala’o durante loron tolu, hahú horseik no ohin, sei remata iha aban, formasaun ne’e fasilita husi parseiru SAUP-UNPAZ iha huis Cambodia, nomós formasaun ne’e partisipa husi Dosente FCSH nomós ekipa huis SAUP-UNPAZ.