![SAUP CNC ORGANIZA TREINAMENTU DIGITAL LITERACY BA FUNSIONARIU CNC NO UNPAZ](https://unpaz.tl/asset/foto_berita/629.jpg)
SAUP CNC ORGANIZA TREINAMENTU DIGITAL LITERACY BA FUNSIONARIU CNC NO UNPAZ
Dili-Universidade da Paz (UNPAZ) liuhusi Programa SAUP hamutuk ho CNC organiza treinamentu ba Funsionariu UNPAZ no Funsionariu CNC nomós dosente sira husi departamentu relasaun internasional kona-ba “Digital Literacy” ne’ebé fasilitadór husi Nexus Advisor, Southeast Asian University Partnership for Peacebuilding (SAUP), Sr. Manuel Erbenich. husi Cambodia, formasaun ne'e ho objetivu atu bele hasa'e koñesimentu kona-ba Digital Literacy ba Funsionariu sira.
Xefe Departamentu Relasaun Interansional UNPAZ, Sr. João Françisco Maia, Lic., CSH.,M.DS. hateten atividade treinamentu ohin kona-ba digital literacy, ida ne’e nu’udar programa ida husi SAUP ne’ebé organiza ba UNPAZ no CNC, tanba UNPAZ, ho CNC parseiru di’ak lo’os ho SAUP.
Nia argumenta, haree ba realizade dadaun ne’e, dalabark ita konsumu informasaun ka utuliza média, tuir ita nia haree la dun iha positivu ho ida ne’e mak, sira presiza hasa’e koñesimentu liu-liu oinsa mak bele uza média no konsumu informasaun ho di’ak.
“husi treinamentu ida ne’e remata bele sai mós hanesan materia ba hodi hanorin iha universidade nomós liu-liu ba estudante sira oinsa bele hatene utiliza mádia ho di’ak”,dehan Xefe Departamentu Relasaun Internasional Sr. JOÃO, hafoin remata treinamentu ba loron dahuluk iha Antigo Comarca Balide-Dili
(29/05).
Xefe ne’e hatutan, treinamentu ida ba staff sira husi CNC nomós ba dosente sira iha UNPAZ liu-liu iha departamentu relasaun internasonal nomós peace stady inklui ho staff SAUP no staff média UNPAZ no Média CNC.
Entretantu atividade treinamentu “Digital Literacy”organiza husi SAUP-UNPA, iha ne’ebé hetan fasiltador Sr. Manuel, husi Cambodia nomós partisipa husi Fubsionariu Média UNPAZ no funsionariu Centru Nasional Chega (CNC) inklui Dosente sira huis Departamentu Relasaun Interansional.