REUNIAUN SENADU UNIVERSIDADE

#UNPAZ# 15 JULLU 2021

REUNIAUN SENADU UNIVERSIDADE

Dili-Universidade da Paz (UNPAZ), liuhusi Magnifiku Reitór, Dr. Adolmando Soares Amaral, Lic,Eco.,MM. hamutuk ho senadu Universidade kompostu husi Fakuldade neen, hala’o reuniaun kona-bá asuntu apoiu subsidiu propinas bá estudante sira, husi polítika VIII governu nian liuhusi Ministeriu Ensinu Superior Siensia Kultura, iha Aula Prof. Dr. Lucas da Costa,SE.,MSi (15/07).

Reprezenta Magnifiku Reitór, Xefe Gabinete Reitóradu, Sr. Françisco M.F.Ximenes Lic. Eco. hateten, objetivu husi reuniaun ne’e koa’lia liu kona-bá asuntu subsidiu ne’ebé apoiu husi  Ministeriu Ensinu Superior Siensia Kultura, mai iha Universidade da Paz, atu fasilita selu propinas estudante sira nian.

Nia hatutan, oras ne’e dadaun orsamentu refere, tama ona iha konta bankaria universidade nian, iha biban ida ne’e senadu universidade da paz, husu ba estudante aktivu sira hotu katak, hahú aban ba oin ita bo’ot sira sei kolobora no komprova dadus ho Fakuldade sira atu nune’e bele justifika ita bo’ot sira nia dadus hanesan estudante aktivu. ba estudante sira ne’ebé selu ona propinas antes ne’e, Universidade sei halo diminuisaun (fó fila osan ne’ebé antes ne’e selu ona mai iha Universidade). 

“Em prinsipiu Universidade da Paz hakarak hato’o agadese obrigadu wain bá polítika VIII governu nian  liuhusi  Ministeriu Ensinu Superior, hodi aijuda ita nia estudante sira no universidade iha situasaun pandeia Covid-19 nia laran”,dehan Xefe Gabinete Reitóradu, Sr. Françisco.

Partesipa husi reuniaun ne’e, Magnifiku Reitór Universidade da Paz, Dr. Adolmando Soares Amaral, Lic, Eco. MM. Xefe Gabinete Reitóradu, Sr. Françisco M.F.Ximenes Lic. Eco.

Pro-Reitór, Dekanu Fakuldade neen, Xefe Departamentu sira, Diretór Unidade, Dosente, Inklui Funsionariu sira.