RELASAUN ATETUDE INAN KONABA PREVENSAUN MORAS DIAREA BA LABARIK IDADE TINAN 5 IHA SENTRU SAUDE KOMUN

Relasaun Atetude Inan Konaba Prevensaun Moras Diarea Ba Labarik Idade Tinan <5 Iha Sentru Saude Komunitaria Tilomar, Posto Administrativu Tilomar,

Munisipiu Covalima

Tinan 2022

Maria Robinson Gusmão, Santiago Jorge Pereira, Faculdade Saude Publica, Universidade da Paz (UNPAZ), Rua Osindo I Manleuana Dili, Tlf; +670 76732896 / 76533127, Email; merryrobinson301@gmail.com / boruanan729@gmail.com

ABSTRATO

Diarea hanesan te’e-be’en ou so’e liur bo’ot barak liu dala tolu kada loron ne’ebe akompanha ho mudansa tuir ita nia isin lolon hanesan ita nia ra’an menus durante semana ida nia laran ou liu husi ida ne’e. Objetivu husi peskiza ida ne’e atu hatene konaba relasaun atitude komunidade ni’an konaba hahalok prevensan moras Diarea ba labarik tinan <5 iha Sentru Saúde Komunitaria Tilomar, Posto Administrativu Tilomar, Munisipiu Covalima iha Tinan 2022.

Skinner, (1938) Atitude hanesan reasaun naktaka husi ema ka humana entre stimulasaun ka objeitu sira. Prevensaun moras diarea: han hahan ne’ebe tasak no hemu bee mos, hatoman aan fase liman ho sabaun antes atu han, tenki duku hahan ne’ebe atu han, hemu bee tasak, no labele han hahan liu prazu.

Métodu kuntitativu ho aproximasaun Cross-Sectional, populasaun iha peskiza ida ne’e populasaun hamutuk 845, amostra hamutuk 42, no teknika analiza dadus uza univariada, bivariada no Chi-Square.

Rezultadu husi peskiza ida ne’e hatudu katak atetude diak hamutuk 16 (25.4%), no atetude ladiak hamutuk 26 (41.3%). No hahalok prevensaun diak hamutuk 8 (12.7%), no hahalok prevensaun la diak 34 (54.0%). Rezultadu teste estatistika chi-square hatudu katak iha relasaun ne’ebe signifikante entre atetude inan konaba hahalok prevensaun moras diaria, ho valor P-Value = 0.017 (P<0,05), odd ratio 7.200, lower 1.236, no upper 41.940.

Konkluzaun ba peskiza ida ne’e katak iha relasaun ne’ebe signifikante entre atetude inan konaba hahalok prevensaun moras diaria ba labarik tinan <5 iha Sentru Saúde Komunitaria Tilomar, Posto Administrativu Tilomar, Munisipiu Covalima iha Tinan 2022. Rekomenda ba inan sira waihira oan sira hetan moras diarea, lalais lori ba fasilidade saude atu nune’e bele hetan tratamentu hodi bele prevene lalais labarik sira husi morbilidade no mortalidade husi moras diarea.

Liafuan Save: Atetude, Prevensaun Moras Diarea

Atu Hetan Detalho Ida Ba Jurnal Bele Klik Iha Ne'e: