REITOR UNPAZ PARTISIPA IHA SERIMONIA KOMPETISAUN NASIONAL KEMPO TIMOR LESTE BA DALA VIII

#UNPAZ# 06 DEZEMBRU 2021

REITÓR UNPAZ PARTISIPA IHA SERIMÓNIA KOMPETISAUN NASIONAL KEMPO TIMOR LESTE BA DALA VIII

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic, Eco. MM. Partisipa iha Serimónia Kompetisaun Nasional Kempo Timor-Leste Ba Dala VIII, ho tema liuhusi Kompetisaun Nasional Shorinji Kempo Timor-Leste Bele Mellora Atleta Nia Saúde Hodi Hatan Pandemia Covid-19, iha Salaun José Kasimeiru UNPAZ (06/12).

Magnifiku Reitór, Universidade da Paz, Dr. Adolmando Soares Amaral, Lic, Eco. MM. hanesan uma na’in atu hateten de’it katak, Dezenvolvimentu ba rai ida ne’e, responsabilidade moral ita hotu nian, atividade sira ne’ebé ita halo ne’e, konsege ona hola parte ba dezenvolvimentu rai ida ne’e.

"Alin sira lalikan taridu nafatin iha esperitu desportu nian, para depois tenta atu fó kontribuisaun ba dezenvolvimentu desportu kualker saida de’it",dehan Reitór.

Prezidenti FSKTL, Eng.Miuel Marquês Gonçalves Manetelu, hato’o obrigadu barak ba Governu liuhusi Sekretariu Estadu Juventude Desportu, ne’ebé mak fó oan apoiu, agradese mós ba Magnifiku Reitór UNPAZ, tanba UNPAZ sempre sai fatin ida la’os opsaun ikus liu, maibe sai fatin propriu atu halo atividade desportu, UNPAZ sempre loke odamatan ba Kempo.

"Espera katak, apoiu sira ne’e kontinua la’o tanba iha UNPAZ joven barak iha ne’e, la’os de’it mai simu siénsia, maibe presija joven sira ne’ebé saudavel", haktuir Prezidenti FSKTL, Eng.Miuel.

Partisipa iha atividade refere, Magnifiku Reitór, Universidade da Paz, Dr. Adolmando Soares Amaral, Lic, Eco. MM. ho Estrutura, Prezidenti FSKTL, Eng.Miguel Marquês Gonçalves Manetelu, ho Estrutura, Reprezentante husi Sekretariu Estadu Juventude Desportu, Prezidenti CDTL, inklui Estudante sira iha UNPAZ.