![REITOR UNPAZ PARTISIPA IHA SELEBRASAUN LORON FLORESTA IHA METINARU](https://unpaz.tl/asset/foto_berita/612.jpg)
REITÓR UNPAZ PARTISIPA IHA SELEBRASAUN LORON FLORESTA IHA METINARU
Dili-Universidade da Paz (UNPAZ) nia Magnifiku Reitór, Universidade da Paz, Dr. Adolmando Soares Amaral, Lic.Eco.,MM. ho estrutura nomós estudante sira partisipa “Cerimonia Dia Nasional Sandalo e da Florestas ba dala VI, ne’ebé organiza husi Ministériu da Agrikultura e Pescas, iha Jardin dos Herois Metinaru, Postu Administrativu Metinaru Munisipiu Dili (13/01)
Reitór UNPAZ, hateten, ita hatan ba konvite ne’ebé husi gabinete prezidensial, atu akompaña prezidente, ohin mai iha ne’e, hodi kuda ai-oan iha jardin dos herois metinaru, tanba ohin, loron ba floresta, tanba ne’e mak UNPAZ ohin ita mai ho estudante sira nomós estrutura balun, atu hatan ba konvite ne’ebé mak sira haruka ba ita, hodi kuda ai-kameli iha fatin ne’e.
“Ita hanoin buat ne’ebé ita halo aban bainrua fatin ne’e bele sai mahon, ai-kameli sira ne’e, bele moris hodi hatudu ita nia nasaun nia imajen furak liu nomós bele hatudu ba mundu katak, ita riku ho ai-kameli, maibe tenki kuda no hahu agora”,dehan Reitór UNPAZ.
Aleinde ida ne'e, Magnifiku Reitor ho estrutura nomos estudante sira vizita mós Saudozu Prof. Dr. Lucas da Costa, SE.,MSi. Nia rate.
Partisipa iha serimonia ne'e, Prezidente da Repúblika, Membru Governu, Nai Veteranus sira, Autoridade lokál sira, Reitor husi Universidade sira, nomos estudante universitariu sira.