REITOR UNPAZ OFISIALIZA ONA KLASE PILOTU INGLES DEPARTAMENTU RI FCSH

REITÓR UNPAZ OFISIALIZA ONA KLASE PILOTU INGLES DEPARTAMENTU RI FCSH

Dili-Universidade da Paz (UNPAZ) nia Magnífiku Reitór, Dr. Adolmando Soares Amaral, Lic. Eco.,MM. hamutuk ho Dekanu Fakuldade Cinesia Sociasi Humana (CSH) Dr. Fernando Dias Gusmão, A.Md.,S.IP.,MAP. akompaña mós husi estrutura fakuldade no Dosente sira, hodi ofisializa klase pilotu ingles ba dahuluk iha departamentu relasaun internasionál, bazeia ba kurikulum husi FCSH-UNPAZ nian, iha Aula CSH (21/08).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten klase ida pilotu ingles ne'e, la'ós de'it dosente sira iha ne'e de'it mak atu hanorin, maibé ita konvida ita nia parseiru sira iha liur mós sei mai hanorin, liuliu materia sira ne'ebé mak prátika barak liu, tanba ne'e ita sei dezain aula simulasaun ida, hodi prátika ba situasaun sira ne'ebé mak akontese iha nasaun sira. Klase ida ne'e tenki sai Being Smart ba universidade da paz, liuliu FCSH relasaun internasionál, tanba ne'e ba oin UNPAZ tenki fan ida ne'e, depois mak ita bele fan tan sira seluk.

“Imi la'ós aprende de'it iha ne'e, maibé loron ruma sei lori imi ba aprende mós iha Alemanha ka universidade balu iha Korea, tanba ne'e imi iha semester balu sei ba aprende iha ne'ebá, tanba ita halo ona kooperasaun ho nasaun sira iha rai li'ur barak ona, universidade sira seluk iha mundu, ema la'o dook tiha ona, liuliu kona-ba klase ezekutivu, ita foin hahú bokan, maibé ita tenki organiza aan numinimu ita la duni, maibé ita tenki hakat, too iha loron ruma ita bele halai hanesan ona, maka ita iha mehi ida iha tinan lima ka sanu oin mai, ita komesa halai hanesan ona, iha momentu ita halai hanesan ne'e mak, ita hadau malu ona, se mak kualidade di'ak liu”,dehan Reitór.

Reitór promete ba tinan ida ne'e ita tenki investe, hodi tau osan ba hola livru no estudante sira sei aprende ho komputador hotu, tanba imi na'in 15 ita sei instala komputador 15 ho meza, ba ema ida direitu ba komputador ida ho meza ida, atu bele aprende mais di’ak liu, tanba ita nia parseiru sira balun tempu lato’o atu mai direta iha kampus ne’e, maibe sira bele hanorin liuhusi zoom.

Iha fatin hanesan, Dekanu FCSH, Fernando Dias Gusmão, A.Md.,S.IP.,MAP. esplika ohin ita loke sesaun ba klase espesial relasaun internasionál, ida ne'e nu'udar historia foun ba iha FCSH, tanba primeira-ves ita introdus aula ho lian ingles, nune’e bele koñese siénsia hotu-hotu ne'ebé mak iha, tanba ne’e estudante sira aproveita oportunidade ho di'ak, relasiona mós ita nia nasaun ne'ebé mak agora esforsu aan atu tama ba membru asean.

"Imi na'in 15 ne'ebé tama iha aula ida ne'e, importante loos, ho ida ne'e aproveita didi'ak, para aban bainrua imi remata husi ne'e, imi nia futuru ne'ebé mak di'ak liu no imi bele hola parte mós iha instituisaun estadu sira, tanba ne'e tempu hanesan osan mean aproveita estuda no aprende husi ita nia sosiedade no instituisaun estadu sira"dehan Dekanu FCSH.

Partisipa iha abertura klase pilotu lian ingles ne’e, Magnífiku Reitór, Universidade da Paz, Dr. Adolmando Soares Amaral, Lic. Eco.,MM. Dekanu FCSH, Dr. Fernando Dias Gusmão, A.Md.,S.IP.,MAP. Xefe Departamentu Relasaun Internasional UNPAZ, Sr. João Françisco Maia, Lic. CSH. MDS. Sra. Eva Froneberg, MA.,(PhD Cand) Universidade Marburg, Alemanha. Dosente sira husi FCSH inklui Estudante sira.