![REITOR UNPAZ OBSERVA DIRETA ATIVIDADE ESTAJIU SOSIAL IHA KAMPUS RAMU LIQUISA](https://unpaz.tl/asset/foto_berita/624.jpg)
REITOR UNPAZ OBSERVA DIRETA ATIVIDADE ESTAJIU SOSIAL IHA KAMPUS RAMU LIQUISA
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic.Eco.,MM. observa direta atividade estajiu sosial tinan akademiku 2023, iha Kampus Ramu UNPAZ Liquisa (04/04).
Nia hateten, atividade estajiu sosial ne’e, la’o tiha ona iha kampus sentral nomós kampus sanak Liquisa, depois de atividade la’o semana ida, iha problema ituan iha grupu estajiadus sira, tanba ne’e mak universidade deside katak, sira labele toba iha ne’e, para ita asegura sira, dader ita lori mai, loraik ita lori sira fila.
“Progresu atividade ita haree katak, estudante sira halo duni progresu ne’ebé mak di’ak. Ita espera katak 30 dias ne’e remata, ita bele hetan moru ida ne’ebé di’ak bele proteje kampus ida ne’e, nune’e bele asegura instituisaun universidade iha kampus ramu ida ne’e”,tenik Reitór UNPAZ.
Nia argumenta, ita nia trasporte bus iha 11, bele fasilita sira dader no loraik, tuir planu ita sei hola tan bus, maibe ita hola fazeada, no ita haree progresu ba oin, ita sei aumenta bus 5/6 tan, nune’e bele mobiliza estudante sira, tanba ba futuru ne’e atividade fakuldade tolu ka haat ita sei muda mai kampus ida ne’e.
Entretantu iha observasaun ne’e, akompaña husi ekipa Komisaun Prinsipal nomós Supervizaun, inklui Dosente Orientadór sira iha Kampus Ramu UNPAZ Liquisa.