REITOR UNPAZ NO KAMISAUN PAK PARTISIPA IHA ATIVIDADE APREZENTASAUN RELATORIU PAK GRUPU 4 HUSI FSPeCM

REITOR UNPAZ NO KAMISAUN PAK PARTISIPA IHA ATIVIDADE APREZENTASAUN RELATORIU PAK GRUPU 4 HUSI FSPeCM IHA ALDEIA TULA IHA

RAEOA Universidade da Paz (UNPAZ) liu-husi Magnifiku Reitor UNPAZ, Dr. Adolmando Soares Amaral, Lic. Eco., MM, akompania husi komisaun ba Atividade PAK, iha Serimonia aprezentasaun relatoriu final iha Aldeia Tula Ika, Sucu Lifau, 04/06/24.

Iha Serimonia aprezentasaun relatoriu final ne'e, hatete husi Xefe Suco Lifau, Sr. Delfiano Sole katak, hau hanesan Xefe de Suco Lifau hato'o agradese wain ba Reitor UNPAZ nia programa liu-husi alin estudante sira mai pratika iha hau nia Suco laran iha Aldeia tolu.

Estudante sira ajuda tebes hau nia komunidade sira iha Aldeia tolu ne'e, ohin hau ho mata wen ba alin sira tamba durante ne'e sira kopera diak tebes ho ami iha ne'e, hau nia lia menon mak ne'e la'o ba estudante halo diak para bele lori ita nia rai ne'e ba oin.

Hato'o husi Magnifiku Reitor UNPAZ, Dr. Adolmando Soares Amaral, Lic. Eco., MM, katak, prejensa ami nia estudante sira iha RAEOA, katak ami ema akademiku oinsa mak ami aprende Siensia no teknologia ami mai atu trnsforma no muda mentalidade Inan no Aman sira iha fatin ida ne'e.

para oinsa sira bele komprende saida mak sauce, liu-liu kona-ba nutriaun ita hare ohin ita nia alin estudante sira aprezenta nia grafiku nutrisaun ne'e as tebes, bazeia ba inisiu sira mai foti dadus ninia grafika ita hare sae iha komunidade sira iha Aldeia ida ne'e.

Ne'e signifika katak aihan sira ne'ebe mak sira konsumu lor-loron ne'e para atu halakon hamlaha deit, maibe oinsa sa mak sira konsumu atu bele fo ninia inplikasaun ba sira isin ne'ebe diak, hodi nune bele dezenvolve ba sira nia kakutak para bele matenek iha tempu tuir mai.

Tamba ne'e sira nia iterbensaun promosaun ne'ebe mak sira hato'o ona ba komunidade sira

Konsege iha PAK II no III hatun ona prejentazen ne'ebe iha PAK primeiu nian grafika sae ne'e konsege tun, dehan Reitor.

Depois ikus liu tesi fita ba fatin lixu ida ne'ebe kontrui husi estudante grupu 4 ba komunidade Tula Ika sira hodi utiliza.

Partisipa iha Atividade aprezentasaun ne'e, Magnifiku Reitor UNPAZ Dr. Adolmando Soares Amaral, Lic. Eco., MM, Prezidente Komisaun PAK nian, Xefe Suco Lifau, Xefe Aldeia Tula Ika, komunidade sira, inklui mos estudante PAK sira.