REITOR- UNPAZ HO ESTRUTURA VIAGEN BA OE-CUSSE RAEOA
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. Hamutuk ho estrutura sira, ohin viagen ba Oé-Cusse Raeoa, hodi abertura ba prosesu aprendisajen tinan akadémiku 2022 nian, iha Kampuz Ramu UNPAZ Oé-Cusse Raeoa (04/04).
Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Hateten ohin ekipa UNPAZ, ita desloka ba Raeoa, atu abertura ba prosessu aprendisajen kampuz ramu UNPAZ Raeoa anu letivu 2022 nian.
Nia hatutan, ohin kada Fakuldade sira, ita la’o tuir horariu ne’ebé mak, Vice Dekanu sira kada Fakuldade distribui ona ba dosente sira ne’ebé hetan ona despaixu husi Xefe Departamentu sira, hodi responsabiliza bá materia semester ida ne’e.
“Ohin lori sira bá iha Raeoa, para abertura bá prosessu aprendisajen nian bá iha tinan akadémiku 2022 nian”,dehan Reitór UNPAZ.
Entretantu viagen ba iha Raeoa ne’e, kompostu husi, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Estrutura Programa Mestradu nian, Xefe Departamentu sira husi Fakuldade, inklui Dosente sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
