#UNPAZ# 6 NOVEMBRU 2021
REITÓR UNPAZ HO ESTRUTURA KOMVOKA REUNIAUN
Dili-Universidade da Paz (UNPAZ), liuhusi Magnifiku Reitór,Universidade da Paz, Dr. Adolmando Soares Amaral, Lic, Eco. MM, hamutuk ho estrutura Universidade hodi diskute ajenda sira hanesan, Exame final (Tas) ba semester Par 2,4,6,8, nomós Progresu Exame Obra Siéntifiku, no Preparasaun ba Rea-Akreditasaun Instituisaun UNPAZ, seluk UNPAZ mós hari’i Klubu ida, hodi partesipa iha atividade liga Timorense iha terseiru divizaun.
Relasiona reuniaun iha Aula Prof. Dr. Lucas da Costa (06/11), Magnifiku Reitór,Universidade da Paz, Dr. Adolmando Soares Amaral, Lic, Eco. MM hateten ajenda sira ne’ebé ita aprova iha reuniaun ohin, ita desidi data ikus ba exame ba semester par 2,4,6,8, ne’ebé sei realiza iha 22 Novembru 2021, no data atu taka exame obra sientifiku iha 18 de Novembru, iha dia 20 ita haruka naran ba Ministeriu Ensinu Superiór atu públika iha Jornal da Repúblika ba sira ne’ebé atu gradua iha 21 de Dezembru 2021.
Nia hatutan, ajenda ida seluk atu halo limpeza jerál, hamutuk ho estrutura Dosente Funsionariu no Estudante sira iha Kinta no Sesta iha semana ida ne’e, hodi preparasaun ba hasoru Rea-Akreditasaun Instituisaun, ida seluk Senadu mós aprova ona oinsa atu lori UNPAZ ba partesipa iha atividade liga Timorense iha terseiru divizaun, ne’ebé iha hahú hari’i ona klubu ida.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
