REITOR UNPAZ HO ESTRUTURA INAGURA JARDIM FOUN FAKULADE EKONOMIA IHA KAMPUS UNPAZ

#UNPAZ# 17 JULLU 2021

REITÓR UNPAZ HO ESTRUTURA INAGURA JARDIM FOUN FAKULADE EKONOMIA IHA KAMPUS UNPAZ

Dili-Universidade da Paz (UNPAZ), nia Magnifiku Reitór Universidade da Paz, Dr. Adolmando Soares Amaral, Lic, Eco. MM. hamutuk ho estrutura  tomak, inagura jardim foun Fakuldade Ekonomia, ne’ebé fafoin reabilitasaun husi obra Saudozu nian ne’ebé hari’I antes ona, iha Kampus UNPAZ (17/07).

Magnifiku Reitór Universidade da Paz, Dr. Adolmando Soares Amaral, iha seriónia ne’e, enkoraja estudante Dosente Funsionariu no estrutura tenki mai ho fuan no laran atu servisu ho responsabilidade para asegura obra ne’ebé Saudozu husik hela, Universidade da Paz, la hanesan ho Universidade sira seluk iha Timor nomós iha rai liur, Uiversidade da Paz, Universidade ida ne’ebé uniku iha Timor uniku mós iha mundu, ho nia historia ida uniku diferensia ho universidade sira seluk.

Dekanu Fakuldade Enjeñaria Sr. José Manuel Maniquin, AP.,Lic.Eng.,M.Eng. hanesan responsabilidade ba konstrusaun jardim Fakuldade Ekonomia hatutan, obra ne’ebé Saudozu husik hela ita tenki kontinua hadia buat balun ne’ebé seidauk di’ak, ita hadia sai furak liu tán,  maske ho instala ki’ik oan maibé ida ne’e la’os servisu mesak Fakuldade Enjeñaria, maibé kontribusaun mós husi kolega sira ne’ebé hahú kedas Jardim CSH nian, ohin ita inagura jardim Fakuldade ekonomia nian, ita espera katak iha tempu tuir mai ita kontinua nafatin ba iha Fakuldade Saúde Públika ne’ebé dezenu haruka ona ba iha nai dekanu.

Dekanu Fakuldade Ekonomia, Dr. Alexandre de Sousa Guteres, Lic. Eco.,MM. salienta, jardim ida ne’e ho hanoin ida katak, bele multifunsi ba etudante sira, bele sai filmagen, bele konversa no estuda, bele uza ba atividade seluk hanean konsertu ki’ik ruma, orgullu ba Magnifiku Reitór ne’ebé fó ideia di’ak hodi bele halo buat foun liu-liu ohin loron ita bele selebra hamutuk jardim ida ne’e.

Eventu ne’e hetan partesipasasun husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Reverendu Amo Kapelaun José Tacain, Proreitór sira, Dekanu Fakuldade neen, Diretór Unidade sira,Xefe Departamentu hotu, Dosente, Funsionariu, Inklui Estudante sira.