REITÓR UNPAZ HO ESTRUTURA DESLOKA BA INDONESIA
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic.Eco.,MM, hamutuk ho ekipa desloka ba Indonesia hodi partisipa nomós fó palestra iha komferensia Internasionál ida iha Balik-Papan Indonesia, iha Airoportu Nicolau Lobato Comoro Dili (15/03).
Reitór hateten, ita hetan konvite ida atu tuir komferensia Challenges and educational Opportunites Green Economy Perspectives the Digital Era, tanba ne’e, Universidade da Paz, ita mós sai hanesan speaker ba ho nia konseptu mak hanesan, Mengembangkan Dan Mengubah Produk Pertanian Menjadi Agribisnis Sebagai Orientasi Wirausaha Untuk Meningkatkan Ekonomi Masyarakat Timor-Leste.
Nia hatutan, espera katak, ita la’os nasaun agrikultura, maibe maioria ita nia povu nia mak agrikultura, ho ida ne’e maioria ho povu ne’ebé ho vida agrikultura ho área agrikultura ne’ebé mak menus no ki’ik, oinsa mak it abele hamosu produsaun agrikultura ida ne’ebé nia orientasi ba empreendedorismu.
“Konseitu ida ne’e mak ita lori ba atu deskute hamutuk ho sira iha ne’eba katak, ami la’os nasaun ne’ebé agrikultura, maibe maioria povu iha Timor-Leste nia vida mak agrikultura, tanba ne’e mak ho área produtivu ne’ebé mak ita iha, ita hakarak produsaun husi área produtivu ituan ne’e, ita bele lori ba konseitu empreendedorismu, para sira hasa’e produsaun ne’ebé ki’ik, maibe produsaun ida ki’ik ne’e bele tama ona ba iha merkadu ho folin ne’ebé mak as”,dehan Reitór UNPAZ.
Entretantu iha viagen ne’e, Magnifiku Reitór, Universidade da Paz, Dr. Adolmando Soares Amaral, Lic.Eco.,MM, ho Estrutura Universidade.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
