#UNPAZ# 11 NOVEMBRU 2021
REITÓR UNPAZ HATO’O MENSAJEN BA SIVITAS AKADÉMIKU BA KOMEMORASAUN LORON 12 DE NOVEMBRU 2021.
Dili-Universidade da Paz (UNPAZ), Magnifiku Reitór, Dr. Adolmando Soares Amaral, Lic, Eco. MM. hato’o mensajen ba sivitas akadémiku nomós ba públiku sira kona-ba komemorasaun loron nasional 12 de Novembru loron importante ba juventude, iha nia knar fatin (11/11).
Magnifiku Reitór, Dr. Adolmando Soares Amaral, Lic, Eco. MM. hateten sivitas akadémiku UNPAZ ita nafatin mantein ho ita nia lema reforma no kualidade, ohin sivitas akadémiku UNPAZ hato’o mensajen ba iha loro 12 de Novembru loron nasional ba juventude, liu-liu ba juventude sira ne’ebé iha tinan hirak liu ba kotuk, sira investe enerjia no tempu no balu investe sira nia vida, ohin loron ita bele restaura ita nia independensia no ita bele goja ukun an ida ne’e hanesan mós nasaun demoktariku iha Timor-Leste.
"Husu ba juventude sira, ita hanoin memoria husi masakre santa kruz ne’e, tau memoria ida ne’e para atu bele orienta no organiza ita para ita bele halo netik buat ruma di’ak ba povu no rai ida ne’e, atu nune’e ita nia maun no bin sira ne’ebé iha momentu ne’eba sakrifika sira nia tempu no vida sira bele kontente ho ita", haktuir Reitór.
Nia hatutan, objetivu mak importante hodi haree ba memoria husi ita nia heroi sira, liu-liu ita nia heroi juventude sira ne’ebé iha 12 de Novembru, sira nia mehi ne’e mak hakrak haree rai ida ne’e, sai nasaun ida ne’ebé dezenvolvidu ho nia ekonomia forti nia juventude sira mesak ema matenek.
"Sivitas UNPAZ ita hakarak kontinua sira nia mehi sira ne’e, liuhusi atividade sira, depois ita organiza a’an no kapasita a’an hodi fila fali ba sai atan ba povu no rai ida ne’e" Salienta Reitór.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
